Athletic Clubeko Peñen Biltzarra FITURetik pasa da
Athletic Clubeko Peñen Biltzarra FITURetik pasa da
Aspeko Udalak sustatuko du maiatzaren 1ean eta 2an ospatuko den hurrengo edizioa
Athletic Cluben izena FITURen ere ikus daiteke egunotan, Madrilen egiten ari diren nazioarteko turismoaren azoka handian. Valentziako Komunitate Egunarekin bat eginez, maiatzaren 1ean eta 2an Aspen egingo den Athleticen Peñen Nazioarteko Kongresua aurkeztu zuten atzo.
Aspeko Udala El Txopo peñarekin batera ari da lanean, maiatzeko zita (San Mamesen Real Madrilen aurkako partida jokatuko den eguna) arrakastatsua izan dadin. Joan den abenduan, Antonio Puerto herriko alkatea, Peñako errektoreek eta udal ordezkaritza zabal batek lagunduta, Bilbotik pasatu zen Kongresuaren antolaketan izandako aurrerapausoen berri ematera.
Elxen aurkako Kopako kanporaketa aprobetxatuz, Goyo Arbizuk eta Manolo Delgado Mecok Aspe bisitatu zuten berriro, dagoeneko errekor bidean doazen prestaketa batzuen azken txanpan, Medio Vinalopo eskualdean 700 zale zuri-gorri baino gehiago biltzea espero baita.