Bihotzeko berdinketa Lezaman

Athletic Clubek eta Real Betisek bina egin zuten Primera Iberdrolaren hirugarren jardunaldiko partidan. Sosak aurretik jarri ditu andaluziarrak eta Maria Diazek eta Lucia Garciak sartutako bi golek markagailua irauli dute. Hala ere, Altuvek behin betiko berdinketa jarri du luzapenean.

Partidako 3. minutuan, Eunatek Meline ia ezustean harrapatu du jaurtiketa batekin, baina baloiak langan jo du. Handik gutxira, Bea Parrak eskularruak estreinarazi dizkio Amaia Peñari. Sevillako taldeak minutu onak izan ditu orduan, jokoaren kontrolarekin eta lehoiek protagonismorik lortu gabe. Bea Parrak berriro estutu du Amaia debutaria, baina Portugaletekoak Betisen aukera zapuztu du.

Korner batean errematea izan du Altuvek, baina burukada kanpora joan zaio. Athleticek ez du bere futbola zabaltzea lortu, baina Eunate-Moraza lotunean, ezker hegaletik, arrisku aukerak aurkitu ditu. Méline, Betiseko atezaina, oso adi egon da une oro. Atsedenaldia heldu da, golik gabe eta dena erabakitzeke bigarren zatian.

Villacamparen neskek euren bertsio hobetuarekin topo egin nahi izan dute aldageletatik igaro ondoren, intentsitate handiagoarekin. Eunatek eta bere zentroek berriro egin dute topo Mélineren ukabilekin, baina lehoiak beste txinparta batekin zeuden. Lehoiek area zapaltzen zuten eta arazoetan sartzen zituzten Cherubinokoak. Berriro ere, Rosa Marzquezek, Sosarekin egindako jokaldi baten ostean, Amaia Peña dena ematera behartu du. Partida joan etorrikoan bilakatu da.

Betisek 0-1ekoa lortu du 63. minutuan, Sosaren bitartez. Erantzuna 70. minutuan iritsi da, Maria Diazen ezkerkada bikain batean, eta Valdezateren jokaldi onaren ondoren. Funesekoak, handik gutxira, baloi ona eman dio Eunateri honek Luciari pasea emateko. Nazioarteko jokalariak, aldez aurreko kontrol orientatuarekin, aurkarien atezaina gainditu du.

Partida zurigorrientzat bideratuta zegoela zirudien, baina 90. minutuan Oriana Altuvek 2-2koa jarri du markagailuan. Lehoiek ez dute saririk izan, baina denboraldi honetan Primera Iberdrolan galdu gabe jarraitzen dute. Datorren astean Ligako geldialdia egongo da eta laugarren jardunaldiak  Paternara eramango ditu lehoiak, Valentzia cf taldearen aurka jokatzeko.