“Taldea behingoz La Palmeran irabazteko gai ikusten dut”

Iraia Iturregi Athleticeko entrenatzaileak agerraldia egin du larunbatean UDG Teneriferen aurka jokatuko duten partidaz hitz egiteko. Partida 18:00etan jokatuko da (uharteko ordutegia, 19:00 penintsulako ordutegia) eta bi aurkariren arteko norgehiagoka izango da. Zurigorri espedizioa oso goiz joango da ostiralean, eta entrenamendu astea arratsaldean amaituko du, ligako 14. jardunaldiko lehiaren bezperan.

Loiukoak bere taldeak Alavesen aurka jokatu zuen partida bikaina izan zela azpimarratu du. Hori bai, Kanariar Uharteetara egingo duen hurrengo irteera zaila du buruan. “Goian zaudenean partida guztiak dira garrantzitsuak. Ligako talde onenekin borrokatzen gara eta sailkapenean begiratu baino gehiago, taldearen dinamika onagatik irabazi nahi dugu. Taldea behingoz irabazteko gai ikusten dut La Palmeran. Lortzen badugu, hurrengo partidari, Atletico Madrili, ikuspegi hobearekin begiratuko diogu “, esan du Iraiak.

“Badakite beren zelaia gotorleku bihurtzen”

Zurigorri entrenatzaileak ez du egutegian urrutira begiratu nahi (urtarrilean Zubietara eta Buñolera joango dira), eta urtea ahalik eta ondoen itxi nahi du. Horretarako, inoiz gertatu ez den zerbait egiten saiatu beharko dute: La Palmeran puntuak lortzea. “Ez dakit zer gertatzen den arlo horretan. Azken bi denboraldietan gertu egon gara, baina ez dugu punturik lortu. Beste urte batzuetako hainbat alderdi aztertu ditugu, han huts egin ahal izan dugun ikusteko. Partida zailak dira. Zelai horretan baloia ez da ona, eta oso talde lehiakorra dute. Euren zelaia gotorleku bihurtzen dute”, dio teknikariak.

Iturregik laudorioak egin ditu aurkariarekin. “Plantilla oso ondo egiten dituzte beti. Min egin diezazukete elkarte-jokoan, zuzeneko jokoan edo geldikako jokaldian. Asko jokatzen den eta areatan erabakitzen den zelaia da, eta area barruan erasoko eta defentsako fintasunak ezar ditzake aldeak “.