Bilbao Athleticek liderrari irabazi eta maila mantenduko du
Bilbao Athleticek liderrari irabazi eta maila mantenduko du
Patxi Salinasen taldeak garaipen handia lortu du Racingen aurka (2-1) eta Primera REFEem jarraituko du datorren urtean
Helburua beteta. Lehoikumeek partida garrantzitsua jokatu behar zuten Real Racing Cluben aurka, datorren denboraldian Smartbank Ligako taldea izango den multzoko liderraren aurka. Lehen zatian Luis Bilbaok eta Malcomek sartutako bi golak nahikoa izan ziren Lezaman garaipena lortzeko eta datorren denboraldian 1ª RFEFen mantentzeko.
Talaveraren porrotaren ondoren, sei puntuko tartea du Bilbao Athleticek beheko postuekin jardunaldi baten faltan.
Lezamak giro bikaina zuen harmailetan eta Bilbao Athleticek hori baliatu zuen partida hasiera bikaina egiteko. Norgehiagokaren lehen aukera argian, 13. minutuan, Luis Bilbaok gola sartzea lortu zuen Diarraren oinetatik abiatu zen banakako jokaldi baten ondoren. Zazpi minutu geroago, Malcomek Bilbao Athleticen bigarrena sartu zuen, berriz ere, Diarrak bizkarrez asistentzia bikaina eman ondoren.
Bigarren zatian ere serio jarraitu beharra zegoen salbazioa ziurtatzeko. Talaveratik zetozen albisteak ezin hobeak ziren, izan ere, kontran zuten markagailuak lehoikumeen berdinketa ere salbazioa posible egiten zuen. Hala ere, zuri-gorriek ez zuten espekulatu eta bigarren zatia ere kontrolatu zuten. Luis Bilbaok, Artolak edo Malcomek hirugarrena sartzeko aukera izan zuten.
Amaierarako ordu laurden falta zenean, Sokok gol ikusgarria sartu zuen, baina Bilbao Athleticek lana ondo egina zuen. Garaipena eta beste urte batez Primera RFEFen, Zorionak talde!