AC Museoa | Athletic Clubeko Webgune Ofiziala

AC Museoa

Gogoratu zarena, irakatsi maite duzuna

Museo modernoa da, objektu baliotsuak erakusgai jartzeko zein bisitariak gozatzeko eta entretenitzeko diseinatua. 1.400 metro koadro, guzti-guztiak Athletic Cluben historiari eskainiak: mende batetik hona gordetako jatorrizko 500 objektu baino gehiago, iragan eta orainaldi zurigorria kontatzen dutenak (sariak, janzkerak, material grafikoa eta ikus-entzunezkoak), ikus-entzunezko 4 ekoizpen, 13 sistema interaktibo, 600 bideo, 102 pantailako videowall murgiltzailea, adin guztientzako denbora-pasak dituen ludoteka…

Munduan parerik ez duen lehoien taldearen filosofia berezia biltzen duen espazio aparta. Athletic Club gogoratzeko, sentitzeko eta izateko espazioa. Athletic Cluben izaera berezia ulertu nahi baduzu, zatoz Museora eta egin bidea.

 

Tour osoa San Mames

San Mames barruko ibilbide gidatua osagarri bikaina da Athleticen Museoa bisitatzen dutenentzat. Katedralaren handitasuna sentitu ahal izango duzu futbol zelaiko berdegunetik eta lehoien aldagela bisitatzeko aukera ere izango duzu.

athletic-museo-tour-san-mames
athletic-museo-tour-san-mames
Tourra + Museoa

San Mamesek, Katedralak, 105 urte baino gehiago daramatza solairu berean futbolari emanda… eta aldi berean Europako futbol-zelairik puntakoenetako bat ere bada.

Imajinatu zeure burua futbolari, sentitu zelaian sartzearen zirrara, ezagutu prentsa-aretoa, etxekoentzako aldagelak, eta irten aldagelen tuneletik eta egin topo Pitxitxi mitikoarekin… Bizi San Mames belarrean!

Ordutegiak eta informazioa

2020KO UZTAILA

  • Ordutegiak (partida egunetan edo lan-saioak San Mamesen direnean izan ezik): Asteartetik Ostiralera: 16:00etatik 20:00etara. Asteburuak : 10:00etatik 20:00etara
  • Sarrera bermatua izateko derrigorrezkoa izango da txartela online erostea. Museora sartzeko, aldez aurretik hitzordua hartzea gomendatzen da, posta elektroniko bidez (museoa@athletic-club.eus) edo telefonoz, 944661100, asteartetik ostiralera 11:00etatik 14:00etara eta 17:00etatik 20:00etara. Museorako sarbide kontrolatua: 30 pertsona ordu erdiro.
  • Sarrerak ‘Euro Txapeldunak’ aldi baterako erakusketa berria dakar.
  • Puntualtasuna eskatzen da: adierazitako orduan iristen ez bada, ez da Museora sartzea bermatzen, jende kopuruak horretarako aukera ematen duen arte.
  • BAZKIDEAK doan: doan bisitatu ahal izango dute museoa eta tour librea egin ahal izango dute estadioan zehar ekainean, uztailean eta abuztuan. Promozio hau bisita bakar baterako da bazkide bakoitzeko. Ezin da txartel bakoitzeko sarrera bat baino gehiago erosi, pertsonala eta besterenezina baita. Bazkidearen titulartasuna bisitaren egunean egiaztatuko da, titularraren txartelaren edo NANaren bidez.

* Ordutegiak eta bisitek aldaketak izan ditzakete. Hala izanez gero, aldez aurretik jakinaraziko dizugu. 

athletic-ac-museoa-jugadores-
Tarifak

Sarrera Museoa + San Mames TOURRA + Eurokopako Txapeldunak 

  • Helduak: 14 €
  • Club Athletic: 6 €
  • Umeak: (6-14): 5 €
  • Bazkideak: Doan
  • 5 urtetik beherakoak eta Club Athletic txartela (6-14  urte artean): Doan
  • Peñistak eta desgaitasun funtzionala duten pertsonak, jarri gurekin kontaktuan helbide honetan: museoa@athletic-club.eus edo 944661100 telefonoa

Sarrera Museoa + Eurokopako Txapeldunak

  • Helduak: 10 €
  • Club Athletic: 4 €
  • Umeak: (6-14): 3 €
  • Bazkideak: Doan
  • 5 urtetik beherakoak eta Club Athletic txartela (6-14  urte artean): Doan
  • Peñistak eta desgaitasun funtzionala duten pertsonak, jarri gurekin kontaktuan helbide honetan: museoa@athletic-club.eus edo 944661100 telefonoa

* Osasun agintarien jarraibideei jarraituz, eta bisita segurua bermatzeko asmoz, salbuespen gisa museoak eta San Mameseko bisitak zenbait aldaketa gauzatu dituzte: interaktiboen desgaikuntza eta estadiora egingo diren bisitak gidaririk gabe egingo dira. Tourreko gune batzuk ibilbidetik kanpo utzi ahal izango dira. 

athletic-museo-historia
Lekua eta kontaktua

San Mames Museoa. 19. eta 20. ateen artean.
Rafael Moreno «Pitxitxi» kalea zk.g. Bilbo 48013

Telefonoa: 944661100
Helbide elektronikoa: museoa@athletic-club.eus

athletic-museo-ubicacion