Estadioa

Parerik gabeko kluba, estadio ezberdina

San Mames zaharra, Katedrala, futbolaren ikono izan da, lurraldearen eta filosofia baten enbaxadore 100 urtez. Hartako giroa txundigarria zen zinez eta arerioek ere gogoko zuten bertan jokatzea, aurkarien eremura joan arren,  bertan sortzen zen atmosfera bereziagatik. “Futbol usaina” har zitekeela ere esaten zuten.

Zelai berriak balio berezi horiek transmititu eta San Mameseko tradizio zaharrak, hartako giroa, errespetua, pasioa nahiz presioa transferitzeko erronka itzela zuen eta, gainera, estadio moderno, irisgarri, abangoardiazko, eroso, merkaturatzeko moduko eta garaietara egokitua izan behar zuen. Eta antzinakoa zegoen leku berean eraikiko zen, hori ezinbestekoa zen.

San Mames zaharra, zalantza barik, maila goreneko erreferentzia bat zen futbolaren munduan. Nazioarteko mailan mitikotzat hartutako zelaietako bat zen, eta hortik dator historikoki ezagun egin duen izena: “Katedrala”. 1913. urtean inauguratu zen eta, 100 urte beranduago, leku berean, kokatzen da egungo estadio berria, harro, “Katedral” bera izaten jarraitzen duena. 53.000 ikuslerentzako edukiera izanik, estandar estuenen arabera diseinatu da, UEFA erakundearen arabera Elite Kategoriatik eratorritakoei jarraiki.

2015ean munduko kirol eraikin onenaren saria jaso zuen World Festival jaialdian. Hala, estadio berria hiriko paisaiaren ikono bilakatu da eta “betiko” giro berri bat sortzeko gai izan da. Harmaila modurik egokienean diseinatu da, zaleak joko-zelaitik ahalik eta gertuen egon daitezen.

Zelai berriarekin aurrez aurre izan dugun erronka nagusietako bat “Athletic Clubaren joko-arauak” betez merkaturatzearen eta diru-sarrerak sortzearen desafioa izan da, hau da, erakundeko bazkideen sentimenduak zainduz, tradizioak errespetatuz eta lurraldearen balioekin lerrokatuta lan eginez.

Multzoaren barnean daude, gainera:

  • Museoa
  • Klubaren denda ofiziala
  • 2 jatetxe
  • 6.000 m2 aretotan, ekitaldi, bilkura eta konferentziak egiteko.
Tour osoa San Mames

San Mames barruko ibilbide gidatua osagarri bikaina da Athleticen Museoa bisitatzen dutenentzat. Katedralaren handitasuna sentitu ahal izango duzu futbol zelaiko berdegunetik eta lehoien aldagela bisitatzeko aukera ere izango duzu.

athletic-museo-tour-san-mames
athletic-museo-tour-san-mames

Diseinuari, erosotasunari, segurtasunari, irisgarritasunari eta zerbitzuei dagokienez San Mamesek betetzen dituen baldintzetan erreparatuz, UEFA erakundeak Elite modura kalifikatu du, hots, sailkapen gorena eman dio. Horrek estadioari futbol-ekitaldi handiak hartzeko gaitasuna ematen dio, esate baterako, final nazional eta nazioartekoak.

FINAL EUROPEAN RUGBY CHAMPIONS CUP 2018

2017ko maiatzaren 11 eta 12an Challenge Cup eta Champions Cup finalak jokatu ziren Katedralean, hurrenez hurren, Europako taldekako torneorik garrantzitsuenak.

Partidu biak telebistaz eman ziren 115 herrialdetan eta egiaztagiridun komunikabideetako 340 profesional egon ziren. European Professional Club Rugby (EPCR) erakundea oso pozik agertu zen lortutako emaitzekin.

2020ko EUROKOPAKO EGOITZA

UEFAk San Mames aukeratu du 2020ko Eurokoparen egoitza izateko. Sarbide eta zirkulazio zainduak, segurtasun eta erosotasun baldintzak eta Bilboren edukiera eta modernotasuna izan dira aukeraketa hori egiteko arrazoi nagusiak.

Argiztapena

San Mameseko fatxadaren argiztapena da, zalantza barik, zelai berriaren nortasunaren bereizgarrietako bat, eta aipamen berezia merezi du. LED argiztapen sistema dinamikoan oinarritutako ekipamenduari esker, aukera ikusgarriak ditu, estadioa ekitaldi bakoitzaren arabera girotzeko. Fatxada osatzen duten ETFE panelak zuriak dira eta kolorez aldatzen dira, edozein konbinazio edo forma emanez.

Gainera, San Mames estadioa izan da Europa osoan eraikuntza iraunkorreko LEED -Leadership in Energy and Environmental Design- ziurtapena lortu duen lehen futbol-zelaia, arlo honetan nazioartean ematen den garrantzitsuena.

Sarbideak

Sarbideen inguruko informazioa lortzeko, sakatu hemen.

San Mames VIP Area ezagutzen duzu?
athletic-vip-area-min
athletic-vip-area-min