Sarrerak | Athletic Clubeko Webgune Ofiziala

Sarrerak

Kirol gunera sarbidea edo egonaldia galarazten dituzten kausak
  • Sartu, eraman edo sartzen saiatu:

– armak edo armatzat erabil daitezkeen tresnak.
– bengalak, petardoak, su artifizialak edo antzekoak. Oro har produktu sukoiak.
– indarkeria sustatzen duten sinboloak, pankartak, banderak, ikurrak edota kartelak sartzea, erakustea edo egitea.
– jaurtigai moduan erabil daitekeen edozein objektu.
– edari alkoholdunak, sorgorgarriak, psikotropikoak, estimulatzaileak edo antzeko sustantziak.

  • Edozein kirol gunetara sartzeko debekua izatea, ezarritako zigorrak dirauen bitartean.
  • Jarrera edo portaera nabarmen erasokorrak, indarkeriazkoak edo oldarkorrak erakutsi.
  • Indarkeria, arrazismo, xenofobia edota intolerantzia goratzen dituzten abesti, adierazpen, oihu edota jarrerak erakustea.
  • Edari alkoholdunen, sorgorgarrien, psikotropikoen, estimulatzaileen edo antzekoen eraginpean egotea.
  • Zelaira baimenik gabe sartzea.
  • Edozein tresna sartzea partidarekiko loturik dauden irudiak, soinuak, datuak edota estatistikak antzemateko, grabatzeko, erreproduzitzeko, emititzeko eta hedatzeko, erabilera pertsonalerako zein pribaturako ezik.
  • Ikusleak sarreran adierazten den tokian kokatu beharko dira eta klubeko langileek, segurtasun pribatuak edota Ertzaintzak sarrera eskatuz gero erakutsi beharko zaie.
Halaber publikoari jakinarazten zaio

Zure segurtasunarengatik eta legeak ahalbidetzen duen sarrera ukatzeko eskubidea erabiliz, ezin da kirol gunetik irten eta berriro sartu partida jokatzen ari den bitartean.

Arestian aipatzen diren baldintzak egiaztatzeko, ikusleak ezartzen diren bete beharreko kontrol zein miaketak pasatzera behartuta daude.

Futbol zelai hau bideokameraz zaindutako gunea da.

Kirolean indarkeria, arrazismoa, xenofobia eta intolerantzia saihesteko arautegia. Instalazioen barne-erregimenaz.