FC Barcelona - Athletic Club
Jardunaldia 12
Liga F

FC Barcelona - Athletic Club

FC Barcelona
FC Barcelona
40
Athletic Club
Athletic Club
  • 50'75' J. Hermoso
  • 87' Pina
  • 91' Aitana

KokapenaJohan Cruyff , Sant Joan Despí

5.147 pertsona

Lehoiek ohorez amore eman dute liderraren aurka

Iturregiren taldeak 4 goleko aldeaz galdu du FC Barcelonaren aurka lehen zatian golik jaso ez arren

undefined

Primera Iberdrolako hamabigarren jardunaldiari zegokion norgehiagoka Estadi Johan Cruyff bete batean jokatu zen. Bertan, harmailek Alexia Putellas Urrezko Baloiarekin saritua (eta Klub katalanaren lau izendatuak) txalotu zuten. Denboraldi honetan talde bakar batek ere lortu ez duena lortu zuten zuri-gorriek: lehen zatian golik ez jasotzea liderraren aurka. Lehoiek maila ona eman zuten partidan zehar, eta defentsa-lan bikain baten ondorioz porrota jaso zuten.

Espero zen gidoia jarraitu zuen neurketak. Barcelonak neurketaren ekimena bereganatu zuen lehen minutuetatik. Orduan, lehoiek, lana eta elkartasuna oinarri hartuta, lehen zati txukuna erdietsi zuten defentsan. Quiñonesek geldiketa bikaina egin zuen 27. minutuan Rolfök egindako saiakerari ondo erantzunez. Giraldezen taldea erasoan gogor ari zen eta zuri-gorriak atzealde blaugranari bizkarra bilatzen saiatu ziren. Lucia Garciak aukera ona izan zuen ordu erdia betetakoan, baina Pañosek aurrelariaren jaurtiketa gelditu zuen. Atsedenaldiaren atarian, Torrejonek langara bidali zuen baloia buruz egindako errematean, korner batean..

Hermosok berdinketa hautsi zuen

Lehen zatiaren ondoren, Jenni Hermosok, 49. minutuan, lehen gola sartu zuen kataluniarrentzat Torrejonen erdiraketa ona aprobetxatuta. Guijarrok aldea handitzeko aukera izan zuen, baina 55.ean egindako jaurtiketa langa baino pixka bat gorago joan zen. Handik gutxira, Quiñones bikain aritu zen erdilariaren gola saihesteko. Nekeak lehoiei kalte egin zien eta FC Barcelonak aukera gehiago izan zituen. 76. minutuan, Jenni Hermosok bigarrena sartzea lortu zuen arean egondako jokaldi nahasi bati etekina ateraz.

Lehoiek borrokatzen jarraitu zuten amaierara arte, partidari aurpegia galdu gabe eta kalitatezko jokaldiak utziz. Claudia Pinak 3-0ekoa lortu zuen, areaz kanpoko jaurtiketa indartsu batekin. Quiñonesek ere esku ikusgarri bat atera zuen amaieratik gertu. Aitana Bonmatik garaipena biribildu zuen buruz buruko batean Hondarribiako atezaina gaindituz, luzapenean. Lehoiek ohorez galdu zuten aurkari oso zail baten aurka. FC Barcelona, gaur egun, nagusi da.