FC Barcelona - Athletic Club

FC Bartzelonak 1 Athletic Clubek 1

Athletic Club 2015eko Superkopako txapelketa eskuratu du FC Bartzelonaren aurka Camp Noun futbol zelaian jokatu den itzulerako norgehiagoka 1-1 emaitzarekin amaitu eta gero. (Adurizek zurigorrien gola lortu du)

Zurigorriek eutsi egin diote San Mamesen egindako balentriari eta bigarrenez (1984an izan zen aurrekoa) Superkopako garaikurra Bilbora ekarri dute.

Carlos Gurpegi kapitainak kopa hartu du eta dagoeneko amaiturik dago titulu ofizialik gabeko 31 urteko epea. Zorionak, bide batez, munduan zehar dauden Athletic Clubeko partaide guztiei, garaikur hau ere denok batera lortu dugu eta.

Une zoriontsuak eta alaitasuna dira nagusi, baina ospatzeko tarte gutxi dago, Europa Leagueko play-off zain daukagu eta.