Protagonista izateko etengabeko gogoak saria izan du
Athletic Clubek 2-1 irabazi dio CD Leganes taldeari San Mamesen aurtengo denboraldiko estreinaldian. Peru Nolaskoainek…
Athletic Clubek 2-1 irabazi dio CD Leganes taldeari San Mamesen aurtengo denboraldiko estreinaldian. Peru Nolaskoainek eta Iker Muniainek egin dituzte gure taldearen golak eta Jonathan Silvak talde madrildarrarena.
Aspaldiko partez Ligari etxeko garaipen batekin ekin diogu. Hiru puntuak etengabe protagonista izateko gogoaren fruitua izan dira, gabezia batzuekin oraindik ere: nekea, jokatzeko era hobeto landu beharra… Sasi guztien gainetik puntuak, luzapenean bada ere, etxean gertatu dira.
Gainera garaipenak Aste Nagusia pozarren bizitzeko aukera eskaini die bertaratu diren zaleei estreinaldi asko zuzenean bizitzeko aukera emanez ere: Unai Simon eta Peru Nolaskoain (gola eta guztiz) lehoi berriak dira Lezamatik kategoriak igo eta gero. Yuri Berchiche gurera itzuli da eta Dani Garciak eta Ander Capak zuri-gorriz ere lehendabizikoz jantzi dira. Kontrako aldean, Aritz Adurizen lesioa daukagu.
Hasiera ona, beraz, ea segida duena hurrengo astelehenean, berriro San Mamesen, eta kasu honetan SD Huescaren aurka.
