Muniainen agur-ekitaldia San Mamesen
Muniainen agur-ekitaldia San Mamesen
Estadioaren iparraldeko fondoan, maiatzaren 13an, astelehenean, 19:00etan, Athleticeko kapitainari omenaldi irekia egingo zaio
Athletic Clubek Iker Muniainen agur-ekitaldia ospatuko du maiatzaren 13an, astelehenean, 19:00etan, San Mameseko iparraldeko fondoan. Kapitain zuri-gorria bere kirol ibilbidea errepasatuko duen omenaldiaren protagonista izango da eta gonbidatu bereziak izango ditu. Ekitaldian Kopako azken txapeldunak izango dira, baita hainbat emanaldi sorpresa ere.
Sarrera doakoa da, baina erreserba egin beharko da zelaira sartzeko. Maiatzaren 3tik maiatzaren 7ko 10:00ak arte, asteartea, bazkideek, Gazte Abonoek eta Club Athleticeko kideek sarrerak lehentasunez erreserbatu ahal izango dituzte. Txartel bakoitzarekin, gehienez, hiru eserleku eskuratu ahal izango dira, Club Athleticeko kideek, bakarra.
- BAZKIDEAK: Lortu zure sarrerak orain.
- GAZTE ABONOAK: Lortu zure sarrerak orain.
- CLUB ATHLETIC: Lortu zure sarrerak orain.
Astearteko 10:00etatik aurrera, lehentasunik gabe, publiko orokorraren batera beren eserlekuak erreserbatzen jarraitzeko aukera izango dute, sarrera guztiak agortu arte.
- PUBLIKO OROKORRA: Lortu zure sarrerak orain.
Athletic Clubek lehenengo eta behin Behe Iparraldeko Harmailari (Herri Harmaila) dagozkion eserlekuak irekiko ditu eta, beharrezkoa izanez gero, Goi Iparraldeko Harmaila.
Azkenik, Athletic Clubek bazkideek, Gazte Abonoak, Club Athleticekeko kideek eta publiko orokorrak sarrerak erantzukizunez eskuratzeko deia egiten du, zelaira joateko konpromisoa hartuz eta gero erabiliko ez diren sarrerak erreserbatzea saihestuz. Bertaratutakoei gomendatzen zaie, ahal den neurrian, elastiko zuri-gorriak jantzita joan daitezela omenaldira.