Ipurua, denboraldiko azken derbirako jokaleku berria

Athleticentzat denboraldiko azken derbiak data eta lekua ditu. Bihar izango da, 12:00etatik aurrera (GOL Play, EITB, DAZN), Athletic Clubek partida ofizialean jokatuko duen agertoki berri batean. Ipuruak Liga F-ko 25. jardunaldia hartuko du. SD Eibar eta lehoiak hiru puntu lortzeko lehian arituko dira, sailkapenean helburu desberdinak dituztelarik. Joan den jardunaldian Fuenlabradan Madrid CFF taldearen aurka galdu ondoren, David Aznarren taldeak beste bolada on bat hasi nahi du denboraldia amaitu arte. Hori sei neurketa barru izango da. Talde armaginak, bere aldetik, zazpi puntutara daukan jaitsiera postuekin aldea handitu nahi du.

Bi klubek euren prestazioak hobetu dituzte bigarren itzuli honetan eta Yeray Martinek zuzentzen duen taldeak lau jardunaldi egin ditu galdu gabe eta bi garaipen jarraian lortzetik dator. Beraz, Eibartarrak une onean daude. Miralles atezainak azken bi jardunaldietan bi penalti gelditu ditu eta Andrea Alvarez Guatemalako golegile nagusiak bere seigarren gola sartu zuen Sporting Huelvaren aurka. Pizarro, bigarren golegile nagusia ere jokalari arriskutsua da erasoko eremuan, baita Ane Campos ere. Lezamako joaneko partidan, Athletic 2-0 nagusitu zen, Nahikarik hasieran  Jone Amezagak azken unean sartutako golei esker.

SD Eibar iaz igo zen berriro Lehen Mailara, eta elitean sendotu nahi du. Badirudi hori Gipuzkoako erakundearen esku dagoela, izan ere, aurten erabaki zuen norgehiagokak Ipuruan jokatzea. Lehenengo aldiz jokatuko dute bi taldeek Liga F-ko partida ofizial bat Eibarko futbol zelaian, bi taldeentzat hiru puntu garrantzitsu jokoan izango dituen derbi batean. Athleticek, 41 punturekin, goiko postuak estutzen jarraitu nahi du eta defentsan sendotasuna eta bere bloke osoaren lan nekaezina duen aurkariari gailendu behar zaio horretarako. Gol gutxi jasotzen bere zelaian eta Lezaman erakutsi zuen bezala estu hartuko ditu zuri-gorriak. Lehoiek baloiarekin eroso sentitu eta azken derbian nagusitzea bilatuko dute. Hori lortuz gero, Athletic Clubek derbi guztiak irabaztea lortuko luke 2023/2024 denboraldian.