Mosaikoa eta zozketa Deportivoren aurka

Athletic Club-Deportivo partidan mosaiko zurigorria egingo da San Mamesen Banestoren eskutik. Zenbakiduna izango da mosaikoa eta partidaren atsedenaldian irabazlearen zenbakia jakinaraziko da. Txartel irabazlea edukiko duenak Athletic Clubek abenduaren 16ko asteburuan Mallorcara Ligako norgehiagoka jokatzeko egingo duen bidaia berberan bi pertsonentzako tokia eskuratuko du, hegaldia, hotela eta sarrerak barne. Irabazlea suertatuko den persona Ibaiganetik igaro beharko du zenbakidun txartelarekin saria eskuratu ahal izateko.

Halaber, Athletic Clubek gogora ekarri gura die igandean San Mamesera bertaratuko diren ikusle guztiei berebiziko garrantzia duela inolako objeturik ez jaurtitzea San Mamesera, klubarentzat kalte larriak ekar bait ditzake hala gertatuz gero.