Athletic Clubeko Zuzendaritza Batzordeak Barne Informazio Sistema sortzea onartu du otsailaren 20ko 2/2023 Legea betearaziz, arau-hausteei eta ustelkeriaren aurkako borrokari buruzko informazioa ematen duten pertsonen babesa arautzen dueña.
Barneko Informazio Sistema da Athletic Cluben barruan gertatutako ekintzen edo ez-egiteen berri emateko eskaintzen den barne-bidea, baldin eta arau-hauste penalak, administratiboak edo indarrean dagoen araudiaren edo Kode Etikoaren aurkako beste edozein portaera badira (arau-hauste burutuak, saiakerak edo arau-hauste horiek ezkutatzeko edozein saiakera barne).
Halaber, Athletic Clubari zuzendutako komunikazio guztietan aplikatuko da, informatzaile berberek egiten dituztenean, Aterpe programaren salaketa-kanalaren esparruan (programa horren xedea da haurrak kirol-eremuan babestea).
Nolanahi ere, Barneko Informazio Sistema ezin da erabili kexa orokorrak aurkezteko edo Prozeduraren aplikazio-eremuarekin bat ez datozen iritzi edo sentimendu pertsonalak partekatzeko bide gisa, ezta pertsonen arteko gatazka hutsekin lotutako informazioa transmititzeko edo informatzaileari eta komunikazioak eragindako pertsonei soilik eragiten dieten informazioa transmititzeko ere, baldin eta laneko giro normalean neurriz kanpokotzat jo ezin diren eta Kode Etikoa edo aplikatu beharreko legeria urratzen ez duten gertaerei dagokienez. Atal honetan aurreikusitako baldintzetan komunikazio-gai ez diren gainerako gai guztiak Klubak horretarako dituen bide edo bitartekoen bidez jakinarazi beharko dira.
Informazioaren Barne Sistema da Athletic Cluben barruan salaketak jakinarazteko eta izapidetzeko bide nagusia (kanpoko kanalaren edo jendaurrean ezagutzera ematearen aurrean).
Horretarako, Barneko Informazio Sistemak barneko komunikazio-kanal bakarra sortu du, Klubean lehendik zeuden bi kanalak ordezkatzen eta integratzen dituena: compliance sistemari eta Aterpe Programari buruzko kanalak, kirolaren esparruan haurrak babestera bideratuak.
Informatzaileek honako bide hauetakoren bat aukeratu ahal izango dute komunikazioak aurkezteko:
- Idatziz:
- Arduradunari honako plataforma honen bidez jakinarazita (klikatu hemen);
- posta arruntez, helbide honetara: Athletic Cluben Araudia Betetzeko Arduraduna, Athletic Club, Ibaigane, Mazarredo 23, 48009, Bilbo;
- Ahoz:
- Arduradunari ahots-mezua bidaliz, plataforma honen bidez (klikatu hemen); edo
- aldez aurretik informatzaileak eskatuta, Barneko Informazio Sistemaren arduradunarekin bilera bat eginez (aurrez aurre, telematikoki edo telefonoz).
Informatzailearen aldez aurreko baimenarekin, ahozko salaketak grabazio edo transkripzio bidez dokumentatuko dira, informatzaileari aukera emanez berrikusteko eta sinatzeko azken kasu horretan.
Nolanahi ere, Athletic Clubeko Barneko Informazio Sistema alde batera utzita, informatzaileek kanpoko kanal batera jo ahal izango dute Informatzailea Babesteko Agintaritza Independentearen aurrean edo autonomia-erkidegoan sortzen diren agintaritza eskudunen aurrean, dagokion komunikazioa egiteko, hargatik eragotzi gabe gainerako agintaritza eskudunengana ere jotzea, hala badagokio, kasuan kasuko arau-haustearen izaeraren arabera.
Lan- edo lanbide-testuinguru batean ustezko arau-hausteei buruzko informazioa lortu duen edozein pertsona, hala nola:
- Besteren konturako langileak edo enplegatuak.
- Zerbitzuak ematen dituzten profesionalak.
- Klubeko bazkideak eta Klubeko organoetako kideak.
- Kontratista, azpikontratista edo hornitzaileen gainbegiratze eta zuzendaritzapean lan egiten duen edozein pertsona.
- Klubarekin lan- edo estatutu-harremana amaituta duten pertsonak, boluntarioak, bekadunak, prestakuntza-aldietan daudenak, bai eta funtzionario- edo lan-harremana hasi gabe duten enplegatuak ere, arau-hausteei buruzko informazioa hautaketa-prozesuan zehar lortu den kasuetan.
Informatzaileek eskubide eta berme hauek izango dituzte:
- Informatzailearen eta aipatutako beste edozeinen identitatearen konfidentzialtasunaren bermea, baita informazioaren tratamenduarena eta ikerketarena ere.
- Errepresaliak hartzearen aurkako bermeak.
- Independentziaren, inpartzialtasunaren eta interes-gatazkarik ezaren bermea.
- Komunikazioen izapidetze eraginkorra
Informatzaileak hala nahi badu, komunikazioak modu anonimoan egin ahal izango ditu, konfidentzialtasun-berme osoarekin.
Athletic Clubeko Zuzendaritza-Batzordeak protokolo bat onartu du (i). Protokolo horretan, Barneko Informazio Sistemaren printzipio orokorrak aipatzen dira, eta (ii) komunikazioak kudeatzeko prozedura.
Kudeaketa-prozedurak, besteak beste, informazio hau jasotzen du:
- Eskuragarri dagoen barne-kanalaren identifikazioa.
- Kanpoko informazio-kanalei buruzko informazio argia eta eskuragarria, baita Europar Batasuneko instituzio edo organismoen aurrean.
- Informatzaileari hartu izanaren berri emateko betebeharra eta jasotako komunikazioei erantzuteko gehieneko epea ezartzea.
- Informatzailearekin komunikatzeko eta informazio gehigarria eskatzeko aukera.
- Salatuaren eskubideak (egozten zaizkion arau-hausteen berri jasotzeko eskubidea, edozein unetan entzuna izateko eskubidea, ohorea eta abar).
- Konfidentzialtasun-bermea zabaltzea sisteman aurreikusitakoez bestelako kanalen edo pertsonen bidez egiten diren komunikazioei dagokienez, eta langileei gai horri buruzko berariazko prestakuntza ematea.
- Datu pertsonalak babesteko araudia betetzearen ondoriozko eskakizunak.
- Informazioa Ministerio Fiskalari igortzeko betebeharra, egitateak delitu izan daitezkeenean zantzuen arabera, eta Europako Fiskalari igortzeko betebeharra, Batasunaren finantza-interesei eragiten dietenean.