Salaketa bideak
Athletic Clubeko Zuzendaritza-Batzordeak Barneko Informazio Sistema sortzea onartu du, 2/2023 Legea, otsailaren 20koa, arau-urratzeei eta ustelkeriaren aurkako borrokari buruzko informazioa ematen duten pertsonen babesa arautzen duena betez.
Athletic Clubek ISO 9001 kalitatea kudeatzeko sistema bat dauka 2003tik, eta 2015ean Arrisku Penalak Prebenitzeko Sistema ezarri zuen, salaketa-kanal bat barne. Era berean, Kluba aitzindaria izan zen LaLigako kluben artean, kirol-eremuan Haurrak Babesteko Programa bat (Aterpe programa) sortzean. Programa hori Haurrak Babesteko arduradun batek kudeatzen du.
Horrek guztiak argi erakusten du Klubak bere Bikaintasun Politikan, kultura etiko eta arauemailean eta ustelkeria-portaera ororen aurrean zero tolerantzia izatean bere gain hartzen duen konpromisoa.
Beste urrats batean, indarrean dauden tresnak eta prozedurak arau berrian aurreikusitako baldintzetara egokitu ditu Klubak, eta Athletic Cluben Barneko Informazio Sistema sortu du, lehendik dauden salaketa-kanalak integratzen dituena.
Informazioaren Barne Sistema multzo integratua da, informazioak eta komunikazioak jasotzeko barne-kanalak eta horiek kudeatzeko eta izapidetzeko prozedurak osatzen dute, eta Barneko Informazio Sistemaren arduradun baten agintaritzapean funtzionatzen du.
Haren helburua da bermatzea informatzaileek, 2/2023 Legearen 3. artikuluan aipatutakoek, irregulartzat jotzen dituzten eta ezagutzen dituzten jokabideen berri eman ahal izatea, eta jokabide horien jarraipen eraginkorra egitea, erabateko bermeak eskainiz independentziari, konfidentzialtasunari, segurtasunari eta errepresaliarik ezari dagokienez informatzaileei.
Halaber, Athletic Clubeko Zuzendaritza-Batzordeak Barneko Informazio Sistemaren arduraduna izendatu du, hau da, 2/2023 Legearen 8. artikuluaren araberako kudeaketarena, Compliance Officer den Juanma de Sosa, Klubeko Legezko Zuzendaria eta Arauak Betetzeko Arduraduna, eta modu independentean eta autonomoan jardungo du gainerako barne-organoekiko, Athletic Clubeko Zuzendaritza-Batzordea barne.
Salaketak egiteko bitartekoei buruz jarraian adierazten dena alde batera utzi gabe, Athletic Clubek Klubaren webgunetik aparteko plataforma bat prestatu du, informatzaileentzako berme guztiekin egiteko aukera ematen duena: