AC Football Center

AC Football Center zentro akademiko bat da, Athletic Clubek futbolarien prestakuntzan izan dituen hamarkadetako esperientzia, emaitzak eta berrikuntza konbinatzen dituena, online eta aurrez aurreko prestakuntza espezializatuekin interesa duten ikasleen zerbitzura jartzeko.

Prestakuntza handiko eta Athleticekin lotutako irakasle-talde batek zuzentzen du ikaskuntza-gune hau, eta kanpoko irakasleen ekarpena ere badu, beste klub edo lan-egitura batzuetan beren ibilbide profesionalaren ikuspegia ematen baitute.

Aholkularitza-zerbitzu profesionala da, eta lankidetza-esparru bat eskaintzen die atzerriko klub profesional eta erdi-profesionalei, Athletic Cluben talentuan, ezagutzan, metodologian, esperientzian eta kirol-arrakastan oinarritutako kirol-proiektua garatzen laguntzeko.

Athletic Clubekin lehia zuzenik ez duten klubei, futbol-eskolei eta nazioarteko federazioei zuzenduta dago soilik. Klub, futbol-eskola eta federazio horiek gure ezagutza eta nortasunarekiko interesa dute, eta gure balioak partekatzen dituzte lanean eta gazteen garapen integralean.

Prestakuntza intentsiboko zerbitzua, sektoreko egitura profesionaletako teknikari eta entrenatzaileentzat (klubak, futbol-eskolak eta nazioarteko federazioak, Athleticekin lehia zuzenik ez dutenak).

7 eta 10 egun bitarteko internship bat izango da Lezamako Athletic Cluben kirol arloan. Bertan, parte-hartzaileek bertatik bertara biziko dute instalazioetako lan astea, eta elkarrekin lan egingo dute harrobi zuri-gorriko teknikariekin.