AC Experiences

Athletic Cluben oinarrizko futboleko txapelketak 2. edizioa beteko du 2024ko ekainean, aurreko urteko estreinaldi handiaren ondoren. 5.000 jokalarik baino gehiagoko parte hartu, 300 talde eta 1.000 partida jokatuko dira.

Talde guztiek euren lau partidetatik bat gutxienez Lezaman jokatuko dute, eta finalera iritsiz gero, San Mamesen ere jokatzeko aukera izango dute.

Txapelketari esker, gazte talentudunek (11 eta 16 urte bitartekoek) esperientzia baliotsua dute euren garapenean, eta, aldi berean, Bilbo oinarrizko futbol globalaren jomugan jarriko dute asteburu osoan.

Campusaren jarduerak Gabonetan, Aste Santuan eta Udan egiten dira, eta 6 eta 14 urte bitarteko parte-hartzaileen prestakuntzarako eta gozamenerako pentsatuta daude. Entrenamendua, non gidatutako ikaskuntzari garrantzi handia ematen zaion, eguneroko jardueraren ardatz nagusia da. Bertan, gainera, lehen taldeetako futbolariekin norgehiagokak, AC Museoari eta San Mamesi bisita eta Athletic Cluben balioetan prestakuntza espezifikoa izaten dira.

Athletic Clubek munduko gainerako taldeei kontzentrazioak eta entrenamendu-aldi trinkoak egiteko aukera ematen die klubak Lezaman dituen lehen mailako instalazioetan.

Iribar egoitzak 58 kirolarirentzako lekua du eta 9 futbol-zelai, atezainak entrenatzeko berariazko guneak, gimnasioak, pabiloi estalia, jantokiak eta aldagelak ditu inguruan. Goi mailako errendimendua lortzeko leku egokia, klub bakoitzaren egonaldira egokitutako esperientzia diseinatu ahal izateko.