Pribatasun politika

ATHLETIC CLUBen, konprometituta gaude pribatutasunaren babesarekin eta online (webgune honetan nahiz, hala badagokio, haren azpidomeinuetan, mikrositeetan edo aplikazio mugikorretan) zein offline ematen dizkiguzun eta tratatzen ditugun datu pertsonalen erabilera egokiarekin.

Mesedez, zure datu pertsonalak eman aurretik, irakurri arretaz politika hau, eta ziurtatu ulertu egin duzula eta harekin ados zaudela. Ados ez bazaude, ez erabili webgune hau edo bertako zerbitzuak, eta ez eman zure daturik.

• ATHLETIC CLUB
• Posta-helbidea: Mazarredo zumarkalea, 23, 48009 Bilbo
• Helbide elektronikoa: [email protected]
• Telefonoa: 94 424 08 77

• Interesdunak berak emanda.

Bazkidea, zalea, beste bazkide baten txartelaren lagapen-hartzailea edo gure webgunearen erabiltzailea bazara, zuk zeuk eman dizkiguzu, offline edo online, alta edo erregistroa eskatu duzunean, edo gure produktu edo zerbitzuak (sarrerak, gure online dendako produktuak, museoa edo zelaia ikusteko bisitak…) eskuratu dituzunean edo, informazioa eskatzeko, gurekin harremanetan jarri zarenean.

Zure datuak ematean, bermatu egiten duzu datu horiek emateko ahalmena duzula, emandako informazioa egiazkoa eta eguneratua dela, eta ez duela urratzen inolako kontratu-murrizketarik edo hirugarrenen eskubiderik. Zure ardura da datuak zuzen eta eguneratuta mantentzea, eta ATHLETIC CLUBek ez du inolako erantzukizunik onartuko hala egiten ez baduzu. Konpromisoa hartzen duzu beste erabiltzaile batzuen lekua ez hartzeko; hau da, haien erregistro-datuak erabilita webgunearen zerbitzuetan eta/edo edukietan ez sartzeko.

• Datuen eskuratze automatikoa, gure webgunea bisitatzen denean.

Gure webgunea bisitatzen duzunean, informazioa biltzen dugu, cookieen bidez eta beste-jarraipen teknologia batzuen eta web-analitiken bidez. Horrek esan nahi du datuak zure nabigatzailetik gure zerbitzarietara bidaltzen direla, gure zerbitzuak optimizatzeko eta erabiltzaile gisa duzun esperientzia hobetzeko. Datu hauek automatikoki bildu eta biltegira ditzakegu. Guk egin dezakegu lan hori, eta hirugarren batzuek, gure izenean. Gure cookieen politika kontsulta dezakezu.

• Retargeting teknologia Interneten:

Gure webguneak EZ du erabiltzen retargeting teknologiarik Interneten, baina halako teknologiak erabiltzen ditugu Googlen, sare sozialetan, eta abarretan. Gure ustez, gure bazkide eta zaleentzat interesgarriagoa da bakoitzaren interesetan oinarritutako publizitate pertsonalizatua ikustea, lotura pertsonalik ez duen publizitatea ikustea baino.

Horretarako, jarraipen-teknologiak erabiltzen dituzten enpresekin egiten dugu lan, Interneten gure iragarkiak erakusteko. Retargeting teknologiek gure webgunera edo gure aplikazio mugikorretara egiten dituzun bisitei buruzko informazioa bil dezakete, bai eta gure jakinarazpenekin —publizitatea barne— duzun interakzioa ere. Zure cookieak aztertzen dituzte, gure webgunean edo hirugarrenen guneetan nabigatzen duzunean duzun portaeran oinarritutako publizitatea erakusteko. Teknologia honen bitartez ez dugu zure datu pertsonalik biltegiratzen, zure nabigatzailean gordetzen baitira.

• Lokalizazio-zerbitzuak:

Aurrekoarekin lotuta, lokalizazio-zerbitzuak erabiltzen ditugu hurbilen dagoen Athletic denda aurkitzen laguntzeko. Horretarako, aplikazio mugikorrak erabiltzen ditugu, hala nola Google Maps eta Bing Maps. Prozesu hori errazteko, irudi bat kargatzen dugu aplikazioan, eta maparen irudiaren datuak eta ibilbidea gordetzen ditugu gure zerbitzarian. Aplikazio mugikor horiek erabiltzen badituzu, zure kokapen errealari buruzko informazioa (adibidez, gailu mugikor batek bidalitako GPS seinaleak) edo zure kokapena hurbiltzeko erabil daitekeen informazioa jaso dezakete. Normalean, lokalizazio-zerbitzu horiek gailuan edo nabigatzailearen konfigurazioan aktibatu edo desaktiba ditzakezu. Google Maps eta Bing Maps aplikazioei buruzko informazio gehiago nahi izanez gero, kontsultatu haien pribatutasun-politikak.

• Interesduna ez den beste pertsona batek emanda.

Baliteke zure datuak ez ematea zuk zuzenean, aurretiaz zure datuak eman dizkiozun hirugarren batek baizik. Adibidez: zu bazkide egitea erabaki duen norbaitek; kirol-lagunarte bateko presidenteak, hartako kideen datuak ematen dituenean; itundutako klubek, eta proiektu kulturalak, sozialak edo kirolaren arlokoak garatzeko gurekin akordioak sinatu dituzten erakundeek. Kasu horietan, identifikazio-datuak tratatuko ditugu batez ere, eta, egoeraren arabera, ezaugarri pertsonalei edo inguruabar sozialei buruzko datuak.

Beste pertsona batzuen datuei dagokienez, haien pribatutasuna errespetatu behar duzu, eta arretaz jokatu behar duzu haien datu pertsonalak komunikatzen edo argitaratzen dituzunean. Datuen titularrak soilik eman dezake datu pertsonalak tratatzeko baimena. Hirugarrenen datuak haien baimenik gabe argitaratzeak, datuen babesari buruzko araudia ez ezik, hirugarren horien ohorerako, intimitaterako edo norberaren irudirako eskubideak urra ditzake.

Hirugarrenen datuak ematen dituenaren erantzukizuna da: a) datuak erabiltzeko, haren aurretiazko eta berariazko baimena izatea, eta b) haien datuei aplikatuko diegun tratamenduaren berri ematea. Pribatutasun-politika hau onartuz gero, hirugarrenen datuak ematen dituenak berariaz bermatzen du horretarako baimena duela, eta edozein erantzukizunetatik libre utziko gaitu interesdunak erreklamazioren bat aurkeztuz gero.

Hauek dira tratatzen ditugun datuen kategoriak:

• Interesdunak berak emandakoak. Identifikazio-datuak (izen-abizenak, NANa, VIP abonatuaren erabiltzailea eta pasahitza, bazkide-kodea, irudia…), harremanetan jartzeko datuak (telefonoa, posta-helbidea, helbide elektronikoa eta fakturatzeko edo eskaerak bidaltzeko helbidea), datu komertzialak eta ekonomikoak (eskatutako datuei buruzko informazioa, bezeroaren historia eta kuotak helbideratzeko behar direnak, hala nola bankuko kontua). Ez dugu onlineko transakzioen informaziorik gordetzen, ordainketa-pasabidearen erakunde titularrak baino ez baitu kudeatzen informazio hori.
• Gure webgunea bisitatzen denean automatikoki eskuratutakoak. Erabiltzailearen IP helbidea, bisitaren data eta ordua, erabiltzaileari dagokion gunearen URLa, gure webgunean bisitatutako orriak, erabilitako nabigatzaileari buruzko informazioa (nabigatzailearen mota eta bertsioa, sistema eragilea eta abar). Online profilen datuak ere bai (lehentasunei eta interesei buruzko informazioa, nabigazio- edo erosketa-ohiturak, egin diren merkataritza-ekintzak edo eskatu zaigun informazioa), informazio pertsonalizatua edo kanpaina esklusiboak bidali ahal izateko.
• Hirugarren batek emandakoak. Identifikazio-datuak, ezaugarri pertsonalei buruzko datuak eta inguruabar sozialei buruzko datuak.

Datuen kategoria bereziei dagokienez: Webgune honetan ez dugu datuen kategoria berezirik tratatzen.

Adingabeen datuak: 14 urtetik beherakoa bazara eta zure datuak eman nahi badizkiguzu gure web-zerbitzuak erabiltzeko, gure zerbitzuak edo produktuak eskatzeko edo egiten ditugun jardueretan parte hartzeko, zure gurasoen baimena eta adostasuna beharko dugu, nahitaez, ATHLETIC CLUBen web-orrietan eta aplikazioetan erregistratu aurretik. Eska iezaiezu laguntzeko datu pertsonalak eskatzen dituzten gure inprimakiak betetzen.

14 urtetik beherakoen gurasoek saihestu egin behar dute beren ardurapeko adingabeak ikuskapenik gabe web-orrietan eta aplikazioetan sartzea eta/edo datu pertsonalak ematea. Klubak ez du inolako erantzukizunik onartuko horri dagokionez.

14 urtetik beherako pertsona bat baimenik gabe erregistratu dela sumatzen badugu, gurasoei edo tutoreei eskatu ahal izango diegu baimena egiaztatzeko behar diren dokumentuak bidaltzeko. Hala egiten ez bada, erabiltzaileari edo erregistroari baja emango zaio lehenbailehen.

Gurasoek, tutoreek edo legezko ordezkariek datuen tratamendua baimenik gabe egin dela detektatzen badute, helbide honetara bidali ahal dituzte beren erreklamazioak edo kontsultak: [email protected].

Eman dizkiguzun datuak eta zurekin dugun harremanean sor daitezkeen gainerako guztiak zenbait xedetarako erabil ditzakegu, zenbait legitimaziotan oinarrituta.

• 1. xedea: Klubeko bazkidea edo zalea, lagunarteren bateko kidea edo beste bazkide baten txartelaren lagapen-hartzailea bazara, harremanetan jartzeko eta jakinarazpenak bidaltzeko, kontratu-harremana eta eskubideak eta betebeharrak kudeatzeko, jardueretan edo ekintzetan izena emateko edo parte hartzeko, eta sarbideak kontrolatzeko eta kirol-esparruetan indarkeria prebenitzeari buruzko araudia betetzen dela ziurtatzeko. Legitimazioa: zurekin lotzen gaituen harreman juridikoa edo kontratu-harremana betetzea.
• 2. xedea: Gure produktu edo sarreraren bat eskuratzen baduzu, kontratu- eta/edo merkataritza-harremana kudeatzeko, salmentaren osteko zerbitzua eta bermea barne. Legitimazioa: zurekin lotzen gaituen harreman juridikoa edo kontratu-harremana betetzea eta/edo dagokigun araudi bat betetzea (fiskala, zerga-arlokoa, kontsumitzaile eta erabiltzaileena, kirol-esparruetan indarkeria prebenitzeari buruzkoa eta abar).
• Eskatutako datuak nahitaez eman beharko dira, ezinbestekoak baitira kontratu-harremana edo kontratu aurreko harremana formalizatzeko eta/edo izateko, baita harreman horrek ezarritako legezko betebeharrak betetzeko ere. Datu horiek ematen ez badizkiguzu, ezingo dizugu harreman horretatik eratorritako zerbitzua eman.
• 3. xedea: Gure webguneko erabiltzailea bazara edo mezu elektroniko baten bidaltzailea edo hartzailea bazara, online egiten dituzun eskaerak kudeatzeko eta zurekin harremanetan jartzeko. Legitimazioa: interes legitimoa.
• 4. xedea: Iritzi- eta/edo gogobetetze-inkestak egiteko eta gure bazkide eta zaletuen artean eta antolatzen ditugun jardueretako partaideen artean zozketak eta sustapenak egiteko… Legitimazioa: interes legitimoa.
• 5. xedea: DBEOren 48. artikuluarekin bat etorrita, zure datuak Athletic Fundazioari jakinarazteko, erakunde bien arteko komunikazioa behar duen zerbitzu bat eman behar denean. Legitimazioa: interes legitimoa.
• 6. xedea: Antolatzen ditugun jardueretan, ekintzetan, lehiaketetan edo kirol-, gizarte- edo kultura-proiektuetan parte hartzen baduzu, izen-ematea eta/edo parte-hartzea kudeatzeko eta zurekin harremanetan jartzeko. Lehiaketetan, irabazleen identifikazio-datuak eta irudiak argitaratzea da xede horietako bat, baina lehiaketari lotuta soilik. Legitimazioa: Interesdunaren baimena.
• 7. xedea: Irudiak hartzeko eta zabaltzeko. Halaber, jakinarazten dugu Klubak edo Fundazioak antolatutako jardueretan edo ekintzetan argazkiak edo bideoak egin ahal izango direla, jarduerari buruzko informazioa eta publizitatea egiteko, baita dokumentatzeko, eta Klubaren edo Fundazioaren ikus-entzunezko memorian sartzeko. Legitimazioa: Interes legitimoa (zelaian, partidetan hartutako irudien kasuan, ekintza publikoak edo jendearentzat zabalik dauden ekintzak direnez, partidei buruzko informazio grafikoa osatzen dute eta pertsonen irudiak partidaren osagarriak dira, besterik gabe). Gainerako kasuetan, interesdunaren baimena.

Eduki horiek Interneten (webgune honetan, sare sozialetako gure profiletan…) eta paper-formatuan (txosten, liburuxka, programa, aldizkari eta publizitate- edo informazio-karteletan, eta papergintzako gainerako elementuetan) argitaratu ahal izango dira, baita Klubaren instalazioetan ere.

Ez baduzu nahi zure irudia hartzea edo zabaltzea, adieraz ezazu irudia hartzen den unean, ahal izanez gero, edo, bestela, gure helbide elektronikoan ([email protected]), zure eskaera lehenbailehen bete ahal izateko.

• 8. xedea: Mezu elektronikoen bidez, gure jarduerei, produktuei eta/edo eskatutakoen antzeko zerbitzuei buruzko informazioa bidaltzeko. Aurretiazko kontratu-harremana badugu, legitimazioa gure interes legitimoa izango da. Bestela, baimena ematen badiguzu soilik bidaliko dizkizugu horrelako komunikazioak. Baimena emateko, inprimakietan berariaz sartzen dugun aukera markatu behar duzu, edo gure lehentasunen zentroan baimendu behar duzu. Azken kasu honetan, legitimazioa interesdunaren baimena izango da. Bidaltzen dizkizugun jakinarazpen elektronikoetan halakoak jasotzeari uzteko aukera emango dute jakinarazpenean bertan.
• 9. xedea: Profil komertzial bat egiteko, zuk emandako informazioan eta zure nabigazioan lortutakoan oinarrituta. Horri esker, hobeto ezagutu zaitzakegu, eta bidaltzen dizugun informazioa zure lehentasunen arabera egokitu. Horretarako, irizpide batzuk erabiliko ditugu (adibidez, zure bezero-historia, zure nabigazio-portaera, zure parte-hartzea eta gure webgunean izandako interakzioak [bisitak, klik zehatzak orrian edo iragarkietan, deskargak…], zure informazio-eskaerak, buletinetarako harpidetzak eta abar), informazio pertsonalizatua eskaintzeko, zure profilean oinarrituta. Legitimazioa: interes legitimoa.

Profil hori oinarritzat hartuta, erabaki automatizatuak hartu ahal izango ditugu. Hala ere, erabaki automatizatu horiek zuretzat izango duten ondorio bakarra informazio pertsonalizatua bidaltzea izango da; beraz, gure iritziz, horrek ez du eragin handirik izango zure eskubideetan (ez baitauka ondorio juridikorik haietan), ez zaituela modu esanguratsuan eragingo, eta ez duela ondorio diskriminatzailerik izango. Hori dela eta, profil horiek gure interes legitimoan oinarritzen dira.

• ATHLETIC CLUBek sare sozialetan dituen profiletan ematen dituzun iritziak gure webgunean argitaratu ahal izango dira, baita iritzi horietan dauden argazkiak ere.

• Legitimazioaren oinarria zure baimena bada, edozein unetan kendu ahal izango duzu baimen hori. Horretarako, mezu bat bidali beharko diguzu helbide honetara: [email protected]. Baimena kentzeak ez du esan nahi, ordea, zure datuak tratatuko ez direnik deskribatutako gainerako xedeetarako.
• Gure ustez, legitimazioaren oinarria gure interes legitimoa bada, zure datuen tratamendua neurrikoa izango da, eta eragin txikia izango du zure pribatutasunean. Dena den, zure interesak, eskubideak edo askatasunak lehenetsiko ditugu beti gure interes legitimoaren aurrean. Hortaz, ez baduzu nahi zure datuak xede horietarako erabiltzerik, mesedez bidal iezaguzu mezu bat [email protected] helbidera, eta zuk eskatutakoa beteko dugu.
• Interes legitimoari buruzko informazio berezia, interes hori oinarri legal gisa erabiltzen denean bazkideei, zaleei eta gure web-orriko online erosleei gure jarduerei, produktuei eta/edo eskatutakoen antzeko zerbitzuei buruzko informazioa jakinarazpen elektronikoen bidez bidaltzeko:
• Interesdunak aurreikusi egin dezake interes legitimo hori, bazkidea, zalea edo bezeroa baita. Tratamenduak eragin urria du interesdunengan, eta jakinarazpen komertzialak bidaltzeko prozedura zehatza dugu, datuen babesari buruzko araudia betetzeko. Gainera, interes legitimo horri buruzko haztapen-analisi bat egin dugu, interesdunaren eskura dagoena. Hala ere, interesdunak beti aukera du bidalketarik ez egiteko eskatzeko. Hori guztia dela eta, uste dugu bidaltzen diren jakinarazpen komertzialen kopurua egokia dela, eta eragin txikia duela pribatutasunean. Hala ere, zure interesak, eskubideak edo askatasunak lehenetsiko ditugu beti gure interes legitimoaren aurrean, eta, hortaz, ez baduzu nahi zure datuak xede horietarako erabiltzerik, mesedez bidal iezaguzu mezu bat [email protected] helbidera, eta zuk eskatutakoa beteko dugu.
• Interes legitimoari buruzko informazio berezia, irudiak hartzeko oinarri legal gisa erabiltzen denerako. Interesdunak aurreikusi egin dezake interes legitimo hori, ekintzetan eta jardueretan parte hartzen dutenek zentzuz espero baitezakete guk irudiak hartzea eta zabaltzea, ekintzaren edo jardueraren osagarri gisa, grafikoki dokumentatzeko. Irudiak hartzeko eta zabaltzeko prozedura zehatz bat dugu, datuen babesari buruzko araudia betetzeko eta tratatu beharreko datuak murrizteko. Gainera, interes legitimo horri buruzko haztapen-analisi bat egin dugu, interesdunaren eskura dagoena. Hala ere, interesdunak beti adieraz dezake bere irudia hartzea eta zabaltzea nahi duen ala ez. Hori guztia dela, uste dugu jarduera edo ekintza horietan irudiak hartzea egokia dela, eta eragin txikia duela pribatutasunean. Hala ere, zure interesak, eskubideak edo askatasunak lehenetsiko ditugu beti gure interes legitimoaren aurrean, eta, hortaz, ez baduzu nahi zure datuak xede horietarako tratatzerik, mesedez jakinaraz iezaguzu ekintzan/jardueran bertan edo bidal iezaguzu mezu bat [email protected] helbidera, eta zuk eskatutakoa aztertuko dugu.

Kontratu-harremana, kontratu aurreko harremana edo harreman komertziala dagoen bitartean gordeko ditugu zure datu pertsonalak, eta, harreman hori amaitu ondoren, interesdunak datuak kentzeko eskatu arte. Eta, kentzeko eskatuta ere, gordetzeko aukera izango dugu, betiere behar den denboraz eta tratamendua mugatuta, honetarako:

• Dagozkigun lege- eta kontratu-betebeharrak betetzeko.
• Izan ditzakegun erantzukizunak preskribatzeko legez ezarritako epeak betetzeko.
• Interesdunarekin izandako harremanak eragindako erreklamazioak egiteko edo haien aurrean defendatzeko.

Aurreko irizpideekin bat etorrita, datu pertsonalak erakundearen irizpidearen arabera ezabatu ahal izango dira, bai erregistro informatikoetan, bai paperezkoetan, informazioa edo dokumentazioa ezabatzea gomendatzen duten premia logistikoak eta/edo biltegiratze-espazioa kontuan hartuta.

Ematen dizkiguzun datuak hirugarren erakundeei eman ahal izango dizkiegu, lagatzailearen eta hartzailearen eginkizun legitimoei lotutako xedeetarako. Hauek dira adibide batzuk:

1. Banku-erakundeei, kobrantzak eta ordainketak kudeatzeko.
2. Klubak datuak nahitaez eman behar dizkien erakunde eta organismoei, hala nola
   1. Zerga Administrazioari, betebehar fiskalak eta tributuen arlokoak betetzeko.
   2. Indarkeriaren aurkako araudiak eta Futbol Liga Profesionalak ezarritako hirugarrenei, segurtasuna bermatzeko, kirol-eremuetarako sarrera kontrolatzeko eta kirol-esparruetan indarkeria saihesteko araudia betetzeko. Esate baterako, kontrako taldeari, gure zaleak haren futbol-zelaira joatekoak direnean, UEFAri eta FIFAri, Segurtasun Indar eta Kidegoei…

3. Gure lehiaketa bateko partaidea bazara, irabazleen datuak saria emateaz arduratutako enpresei jakinaraziko dizkiegu, eta, beharrezkoa bada, partaideen datuak epaimahaikideei emango dizkiegu. Hala ere, ezizenak erabiltzen ahaleginduko gara.
4. Garraio-enpresei, hau da, gure zerbitzuak eta produktuak bidaltzeko eta emateko logistikaz arduratzen direnei.
5. Klubak eta Athletic Fundazioak elkarri emango dizkiote, bazkideari edo zaleari dagozkion prestazioak edo eskubideak kudeatzeko beharrezkoa denean.
6. Profesionalen Futbol Ligari, bazkideak kudeatzeko programaren titularra den heinean.
7. Hirugarren laguntzaile eta babesleei, ekintza komertzialak egin ditzaten, betiere zuk baimena eman baduzu horretarako prestatutako inprimakiaren bidez. Hala ere, edozein unetan kendu ahal izango duzu baimen hori, [email protected] helbidera mezu bat bidalita.

ATHLETIC CLUBek ahalegina egingo du datu pertsonalak Europako esparru ekonomikoan tratatzeko eta kokatzeko. Hala ere, zenbait egoeratan, datuen nazioarteko transferentziak egin ahal izango ditugu. Adibidez, beharrezkoa bada ATHLETIC CLUBen eta pertsona fisiko edo juridiko baten arteko kontratu bat egiteko edo gauzatzeko, interesdunaren intereserako, edo beharrezkoa bada ATHLETIC CLUBen eta interesdunaren arteko kontratu bat gauzatzeko, esaterako Europar Batasunetik kanpoko zerbitzu-hornitzaileak erabiltzen direnean. Izan ere, hornitzaile horiek datu pertsonalak eskuratu ditzakete gure jardueraren osagarri diren zerbitzuak emateko (ostatatzea, housing-a, SaaS, urruneko segurtasun-kopiak, euskarri edo mantentze informatikoko zerbitzuak, posta elektronikoaren kudeatzaileak, mezu elektronikoen eta marketineko mezu elektronikoen bidalketak, fitxategien transferentzia eta abar), edo interesdunak eskatuta hartutako kontratu aurreko neurriak betetzeko.

Erakunde horiek aldatu egin daitezke denborak aurrera egin ahala, baina, datuen babesari dagokionez, Europako babes-maila baliokidea duten edo maila hori lortzeko behar beste berme duten herrialdeetako erakundeak aukeratzen saiatuko gara. Bestela, DBEOn zentzu horretan ezarritako salbuespenetako baten arabera aukeratuko ditugu.

• Whatsappeko berehalako mezularitzaren erabilera.

Zurekin komunikazioa azkarragoa izateko berehalako mezularitzako aplikazio bat eskaintzen badizugu, erabili arretaz, irakurri haren pribatutasun-politika eta konfiguratu zure lehentasunen arabera, bitarteko horren bidez datu pertsonalak dituen informazioa bidali baino lehen.

Berehalako mezularitzako aplikazio horiek egoera jakin batzuetan baliagarriak izan badaitezke ere, gogorarazten dizugu Interneten argitaratzen duzun informazioa pertsona askoren eskura dagoela, direla ezagunak, direla ezezagunak. Alegia, arriskua dago zure eta beste batzuen intimitaterako.

Gomendatzen dugu bitarteko horren bidez informazio pertsonala, pribatua eta/edo intimoa edo isilpean gorde nahi duzuna ez ematea, informazio hori bidaltzeko modu seguruagoak baitaude. Ezin dugu gure gain hartu zerbitzuaren funtzionamenduaren eta erabilgarritasunaren erantzukizuna, ez baitugu guk ematen, gurekin zerikusirik ez duten hirugarrenek baizik.

• Sare sozialen erabilera.

• Erabiltzaileek Klubak sare sozialetan dituen orri edo taldeekin bat egiteko aukera dute. Kontuan hartu behar duzu, Klubak zure datuak zuzenean eskatzen ez badizkizu (adibidez, kontsultak eremu pribatu batean erantzuteko), zure datuak dagokion sare sozialarenak izango direla. Beraz, erabiltzaileei gomendatzen diegu arretaz irakurtzea sare sozial horien erabilera-terminoak eta -baldintzak eta pribatutasun-politikak, eta lehentasunak konfiguratzea datuen tratamenduari dagokionez.

• Gure webgunean sartutako sare sozialen ezaugarriak.

Gure zerbitzuek sare sozialen ezaugarri eta widget batzuk izan ditzakete, hala nola «Facebookekiko konexioa», «atsegin dut» botoia, «partekatu» botoia eta sare sozialetan ohikoak diren beste miniprograma interaktibo batzuk. Ez dagokigu inolako erantzukizunik haien funtzionamenduaren gainean.

Zenbaitetan, ezinbestekoa izango da zenbait erregistro-datu ematea edo, bazkide edo zale gisa erregistratuta egonez gero, datu horiek erabiltzea eta erregistrorako inprimakian dagokion aukera markatzea, edo Facebookeko profileko datuak ematea, erregistratzeko Facebook Connect aukera erabiltzen bada. Esaterako, beharrezkoa izango da zerbitzu edo eduki batzuetan sartzeko —online erosketa, online zalea, kontaktua, VIP eremua, ikus-entzunezko edukiak ikusi eta deskargatzea…—, datu horiek ezinbestekoak baitira atal honetan deskribatutako xedeetarako tratatzeko. Informazioa ematen ez bada, ezin izango ditugu eskatutako zerbitzuak eman.

• Sare sozialak erabiltzeko arauak:

Kontuan hartu, gure orri ofizialaren bidez sare sozial batean parte hartzea edo edukia argitaratzea edo partekatzea erabakitzen baduzu, eduki horiek publikoak izango direla eta zure ardura izango dela, eta zurea baino ez, eduki horiek legez ezarritako araudia betetzea.

Datu pertsonalak parte-hartze horri lotuta agertzea ekiditeko, zure pribatutasuna konfigura dezakezu, edo zure datuak seudonimizatu, (“nick” edo goitizen bat erabilita, adibidez).

Beste pertsona batzuen datuei dagokienez, errespetatu egin behar duzu haien pribatutasuna, eta arretaz jokatu behar duzu haien datu pertsonalak jakinarazten edo argitaratzen dituzunean. Datuen titularrak soilik eman dezake datu pertsonalak tratatzeko baimena.

Erabiltzaileak bere titulartasunekoak eta jabetzakoak diren edo hirugarrenek baimendutako datu pertsonalak, argazkiak, informazioak edo bestelako edukiak baino ezin ditu argitaratu orri honetan edo sare sozialetako gure orri ofizialetan. Hirugarrenen datuak argitaratzen badituzu, zure erantzukizuna da datu horiek erabiltzeko eta argitaratzeko aldez aurreko eta berariazko baimena izatea. Hirugarrenen datuak haien baimenik gabe argitaratzeak, datuen babesari buruzko araudia ez ezik, hirugarren horien ohorerako, intimitaterako edo norberaren irudirako eskubideak urra ditzake.

Edonola ere, erabiltzaileak argitaratutako edozein eduki ezabatu ahal izango dugu web-orri honetatik eta gure sare sozialetako orrialdeetatik, erabiltzaileak indarrean dagoen legeria eta pribatutasun-politika honetan adierazitakoa urratu dituela hautematen badugu.

Sare sozialak ez daude gure zerbitzuetan zuzenean ostatatuta. Haiekin dituzun interakzioetan, haien politikak aplikatzen dira, eta ez gureak. Irakurri sare sozial horien pribatutasun-politikak, datu pertsonalen bilketari eta transferentziari, zure eskubideei eta zure pribatutasunaren konfigurazioari buruzko informazio zehatza lortzeko.

• Sare sozialen bidez biltzen ditugun datuak.

Aplikazio horien bidez, eta, zehazki, cookie funtzional eta analitikoen bidez jasotzen ditugu datuak, aplikazioek behar bezala funtzionatzen dutela bermatzeko. Cookie horiek zure IP helbideari edo zure nabigazioari buruzko informazioa jaso ahal izango dute.

Gainera, sare sozial horietako batean  saioa hasten baduzu gure webguneetako bat edo aplikazio mugikorretako bat bisitatzen ari zarenean, sare sozialak informazio hori gehitu ahal izango du zure profilean, eta informazioa sare sozialera transferituko da. Datu-transferentzia hori egiterik nahi ez baduzu, irten sare sozialeko saiotik gure webguneetan edo aplikazio mugikorretan sartu baino lehen, guk ezin baitugu datuak jasotzeko eta konektore sozialen bidez transferitzeko aukera hori eragotzi.

• Gure web-orrian hirugarrenen orriak erakusteko aukera.

Halaber, gure webgunearen bidez, hirugarrenen edukia edo zerbitzuak eskain ditzakegu (orrialdeen markoen tekniken edo framing tekniken bidez), gure webgunearen itxura aldatu gabe eta haren barruan zerbitzua ematen duen hirugarrenaren irudia erakutsita. Kontuan hartu ematen duzun informazioa hirugarren horiei emango diezula eta ez guri; hortaz, haien politikak aplikatuko dira, eta ez gureak.

Hala dagokionean, sartzeko, zuzentzeko, ezabatzeko eta tratamendua mugatzeko eta haren aurka egiteko eskubideak gauzatu ditzakezu, baita beste eskubide batzuk ere, pribatutasun-politika honen hasieran adierazitako posta-helbidearen edo helbide elektronikoaren bidez. Bi kasu horietan, eskaera idatzi eta sinatu behar duzu, eta NANa edo pasaportea edo identifikatzeko beste dokumentu baliozko bat erantsi. Zure datuak aldatzen badira, helbide berean jakinarazi beharko duzu. Klubak ez du inolako erantzukizunik izango jakinarazpen hori egiten ez baduzu.

• Sartzeko eskubidea: Zer datu pertsonal tratatzen ari garen galde diezagukezu, eta haien kopia eskatu ere bai.
• Zuzentzeko eskubidea: Okerreko datuak zuzentzeko eta osorik ez daudenak osatzeko eska diezagukezu. Adierazpen osagarri bat erabil dezakezu horretarako.
• Ezabatzeko eskubidea (ahaztua izateko eskubidea): Zure datu pertsonalak ezabatzeko eska diezagukezu, baldin eta datu horiek beharrezkoak ez badira jaso ziren xedeetarako, zure baimena kentzen baduzu, datu horiek legez kontra tratatu badira edo legezko betebehar batek ezabatzeko eskatzen badu.
• Tratamendua mugatzeko eskubidea: Zure datuen tratamendua mugatzeko eska diezagukezu; halakoetan, erreklamazioak egiteko edo erreklamazioen aurrean defendatzeko baino ez ditugu erabiliko.
• Aurka egiteko eskubidea: Zure datuen tratamenduaren aurka egin dezakezu, baldin eta arduradunaren interes legitimoan oinarrituta tratatzen badira edo publizitaterako erabiltzen badira.

Aurreko eskaeretako bat jaso ondoren, legez ezarritako epeen barruan erantzungo dizugu. Datuak Babesteko Espainiako Bulegoan egin dezakezu erreklamazioa. Gauzatu ditzakezun eskubideei buruzko argibide gehiago nahi baduzu eta eskubideak baliatzeko inprimaki-ereduak eskatu nahi badituzu, Datuak Babesteko Espainiako Bulegoaren webgunera jo dezakezu: www.aepd.es.