Museotik palkora: RC Celta
Museotik palkora: RC Celta
Real Vigo Sporting Clubek 1923an zilarrezko ezteietan Athletici eman zion kopa eta egun hartako programa erakutsiko du AC Museoak igande honetan San Mameseko palkoan
Vigoko RC Celta 1923an sortu zen galiziar hirian zeuden bi talde nagusien bat-egitearekin: Vigoko Real Club Fortuna, 1905ean sortua, eta Real Vigo Sporting Club, 1913an sortua Vigo FBC eta Sporting Cluben arteko batasunetik.
Gaur egungo RC Celtaren aurka jokatu aurretik, Athleticek talde galiziarraren baitan zeuden beste taldeen kontra jokatu zuen, bai lagunarteko partidetan, bai partida ofizialetan.
Partida ofizialei dagokienez, Fortuna de Vigo taldearekin aurrez aurre lehiatu zen Athletic 1910-11 eta 1914-15 Kopako edizioetan, 1906-07 Kopan Vigo FBC taldearekin eta Real Vigo Sportingekin 1913-14 (Kopako lehen partida San Mameseko historian) eta 1919-20 edizioetan.
Talde galiziarrak ziren, beraz, ohiko aurkariak, eta, hala, San Mamesen egindako Athletic Clubeko Zilarrezko ezteien ospakizunera joan ziren, lehoien aurka aritu ziren garaiko klub nagusiekin batera.
Igandeko partidako palkoan, Real Vigo Sporting Clubek egun hartan Athletici emandako garaikurra, Real Vigo Sportingek talde zuri-gorriaren zilarrezko ezteietan Athletici emandako kopa, eta 1923ko ekainaren 10eko ospakizun hartako esku-programa aurkeztuko dira.