Aurkariak herrialdeka: Mexiko | Athletic Club
Lehen taldea

Aurkariak herrialdeka: Mexiko

Athleticek duela 85 urte jokatu zuen lehen aldiz mexikar talde batekin, Club América izenekoa, 1935ean handik egin zuen biran

Aurkariak herrialdeka: Mexiko
Aurkariak herrialdeka: Mexiko
2020ko uzt. 28a

Gaurko egunez, uztailak 28, baina 1935ean, Athletic Clubek mexikar talde baten aurka jokatu zuen lehen aldiz, Club América taldearen aurka, hain zuzen. Zuri-gorriek Mexikon jokatutako 5 partidetako lehena izan zen. Gutxigatik galdu zuen, 2-1 (Iraragorrik egindako gola). Athleticek ospe handia zuen garai hartan, eta bere bisitak ustekabeko ikusmina piztu zuen bertakoengan. Lehenengo partidaren kroniketako batean esan zen atzerriko beste ezein taldek ez zuela jaso horrelako adeitasun eta miresmenik Mexikon.

Club América taldearen ustekabeko garaipenak sekulako ospakizuna izan zuen herrialde osoan, eta laster adostu zuten errebantxako partida. Lehenengo partidak ikusmina sortu bazuen, bigarren horrek aurreikuspen guztiak gainditu zituen. Athleticek 5-0 irabazi zuen, Iraragorriren hat trick bati eta Bata eta Mundo Suárezen golei esker. “Burutik oinetara basaz beteta zeuden, baina bilbotarrek tinko eutsi zioten. Inork ez du horrelako jarrerarik izan hemen”; horrelako adierazpenak irakur zitezkeen partidaren kroniketan, tokiko prentsan.

Biraren jarraipena

Athletic Clubek beste hiru partida jokatu zituen 1935eko udako bira hartan.

• Atlante taldearen aurka 2-1 galdu zuen (Gorostizaren gola). Kroniken arabera, joko paregabea egin zuten. Bertakoak gogor aritu ziren, eta emaitza engainagarria da, izan ere, Athletic ez zegoen bere mailan, Muguerzaren lesioa zela eta.
• Lehoiek 3-2 irabazi zioten RC España taldeari, birako laugarren partidan. Antza denez, garai hartan idatzitakoaren arabera, partida aspergarria izan zen, eta ikusleek protesta egin zuten, kuxinak botaz.
• Mexikon zehar egindako lehen bira bukatzeko, Necaxa taldearen aurka galdu zuten, askogatik (4-1). Athleticeko entrenatzailea zen Patricio Caicedok, “Orinoco” itsasontzian ibilbide luze bat egin ostean, barkamena eskatu zien kazetariei, esanez gureak ez zirela hara joan hankak apurtzera.

Mexikoko bigarren bira

Athletic Clubek beste bidaia bat egin zuen Mexikora, 1976ko maiatzaren amaieran. Hori baino lehen, 1949an, zuri-gorriek San Mamesen egin zioten aurre Mexikoko selekzioari, eta emaitza 6-3koa izan zen, Zarra (3), Iriondo, Venancio eta Panizoren golekin. Hain zuzen ere, Mexikoko bigarren bira hau Tricolor taldearen aurkako enfrentamendu batekin hasi zen. Bilbon izandako porrotarengatiko errebantxa hartu zuten eta 3-0ko emaitza lortu zuten Azteca estadioan.

• Athleticek 1-2 irabazi zien Club Veracruz taldeko marrazoi gorriei, biraren bigarren topaketan, Irureta eta Carlosen golekin.
• Tigres UANL de Monterrey taldekoek 1-0 irabazi zuten lehoiek Mexikon jokatutako azken topaketan, 1976ko ekainean.

Athletic Clubek Mexikoko beste bi kluben aurka jokatu du ordutik. 1979ko irailean, zuri-gorriek 1-1eko berdinketa lortu zuten San Mamesen, Tecos de Universidad Autónoma de Guadalajara taldearen aurka. Bertakoek gola beren atean sartu zuten. Helmut Senekowitsch, Athleticeko entrenatzailea, Tecos taldearen entrenatzaile izana zen, horregatik antolatu zuten lagun arteko partida.

Azkenik, 2015eko udan Boisera egindako bisitan (AEB), Athleticek Club Tijuana taldearen aurka jokatu zuen, baita irabazi ere, 2-0, Aduriz eta Beñaten golekin. Xoloak izan dira lehoiek historian zehar aurre egindako azken aurkari mexikarra.

Guztira, Athleticek 8 mexikar klubi egin die aurre (Club América, Atlante, Club Tijuana, Club Veracruz, Necaxa, RC España, Tecos UAG eta Tigres UANL). 9 partida izan dira; 4 garaipena, berdinketa bat eta 4 porrot. Aurkarien artean, Chivas de Guadalajara taldearen falta aipatu behar dugu. José María Mujicak esaten zuen moduan, Mexikotik egindako bigarren birarako Gaceta del Norte egunkariak bidalitako berri-emaile berezia, partida bat egitekotan egon ziren, 1976ko ekainaren 6an. “Oso posible da Guadalajarak Athleticen bisita izatea hiri horretako Jalisco estadioan. Guadalajara zein Athletic tradizio bereziko taldeak dira, biak ala biak: Beren eskualdeetan sortutako futbolariak baizik ez dituzte hartzen”.

ARGAZKIA: Mexikar selekzioa San Mamesen (1949). Athletic Club Museoa.

+
Informazio gehigarria
Erlazionatutako albisteak
“Ipuruatik hiru puntuak ekartzeko lan egiten dugu”
“Ipuruatik hiru puntuak ekartzeko lan egiten dugu”
2020ko ira. 22a

“Ipuruatik hiru puntuak ekartzeko lan egiten dugu”

Lehen taldea

Zaleekin gogoratu nahi izan du Villalibrek: “Zaleak dira guretzat garrantzitsuena. Athletic ez da ezer zaleturik gabe”

Ikusi gehiago
Zuzenean: Asier Villalibreren prentsaurrekoa
Zuzenean: Asier Villalibreren prentsaurrekoa
2020ko ira. 22a

Zuzenean: Asier Villalibreren prentsaurrekoa

Lehen taldea

Athletic Clubeko jokalariak prentsaurrekoa eskainiko du Lezamako prentsa aretoan

Ikusi gehiago
Silleroren lagapena CD Numancia taldera
Silleroren lagapena CD Numancia taldera
2020ko ira. 21a

Silleroren lagapena CD Numancia taldera

Lehen taldea

Atzelariak 2023ko ekainaren 30era arte berritu du bere kontratua eta Soriako taldean utzita jokatuko du denboraldi honetan

Ikusi gehiago
Athleticen Europako Kopako lehen neurketa
Athleticen Europako Kopako lehen neurketa
2020ko ira. 20a

Athleticen Europako Kopako lehen neurketa

Lehen taldea

Gaurko egunean, 1956an, Athletic Clubek bere lehen Europako Kopako partida jokatu zuen Oportoren aurka Das Antas estadioan

Ikusi gehiago
SD Eibar-en aurkako ordutegia
SD Eibar-en aurkako ordutegia
2020ko ira. 19a

SD Eibar-en aurkako ordutegia

Lehen taldea

Ligak baieztatu duenez, talde armaginaren aurkako norgehiagoka irairalen 25ean, ostiralean, izango da, 21:00etan, Ipuruan

Ikusi gehiago
Villalibrek garaipena eman dio Athletici Sevillaren aurka
Villalibrek garaipena eman dio Athletici Sevillaren aurka
2020ko ira. 18a

Villalibrek garaipena eman dio Athletici Sevillaren aurka

Lehen taldea

Garaipena Pinatar Arenako bigarren lagunartekoan, Athletic asko hazi baitzen atsedenaldiaren ostean

Ikusi gehiago
Porrota Sevillaren aurka partida berdindu batean
Porrota Sevillaren aurka partida berdindu batean
2020ko ira. 18a

Porrota Sevillaren aurka partida berdindu batean

Lehen taldea

Lehoiek 2-1 galdu dute, Muniainen gola, 80 minutuko lehen lagunartekoan, eta zuri-gorriek aukera argiak izan dituzte hasieran

Ikusi gehiago
Zuzenean: Sevilla FC – Athletic Club
Zuzenean: Sevilla FC – Athletic Club
2020ko ira. 18a

Zuzenean: Sevilla FC – Athletic Club

Lehen taldea

Jarraitu gure Youtubeko kanalean (17:30ean) Athletic Club eta Sevilla FC-ren arteko lagunartekoak

Ikusi gehiago
Deialdia Sevillaren aurkako lagunarteko bikoitzerako
Deialdia Sevillaren aurkako lagunarteko bikoitzerako
2020ko ira. 17a

Deialdia Sevillaren aurkako lagunarteko bikoitzerako

Lehen taldea

Gaizka Garitanok Sevillaren aurka jokatuko dituzten bi lagunarteko partidetarako 28 jokalari deitu ditu

Ikusi gehiago
El Sardinero, Sanchez-Pizjuan eta Las Gaunas, aukerak ‘etxeko’ partidetarako
El Sardinero, Sanchez-Pizjuan eta Las Gaunas, aukerak ‘etxeko’ partidetarako
2020ko ira. 17a

El Sardinero, Sanchez-Pizjuan eta Las Gaunas, aukerak ‘etxeko’ partidetarako

Lehen taldea

Athleticek aukera horiek aurkeztu dizkio Ligari, pandemiagatik beharrezkoa izanez gero

Ikusi gehiago