undefined

Valladolid, harmailetan zalego zuri-gorria izan zuen azkena

Valladolid, harmailetan zalego zuri-gorria izan zuen azkena

Asier Villalibrek mezu bat bidali die gure peñakide eta jarraitzaileei: “Aurten ez duzue gurekin egoteko aukerarik izango, baina zuen babesa sentituko dugu”

Aurreko denboraldian Valladoliden aurka jokatutako partida zale zuri-gorriak harmailetan izan zuen azkena izan zen. Kopako finalerako sailkapenaren biharamunarekin batera lortutako 1-4ko garaipen hark poztazun handian utzi zuen Athleticen familian. Oso ondo pasatu zuten Jose Zorrillara hurbildu ziren mila zale zuri-gorriek, garaipenaz gain, Aritz Adurizek lehoi gisa jokatu zuen azken partida bertatik bertara bizitzeko zortea izan baitzuen. Ahaztezina.

Inguru horietatik ditugun peñakide eta jarraitzaile guztiez oroitzeko unea da orain. Ipar-mendebaldeko zaleen elkartea oso aktiboa da, eta Valladoliden, Palentzian, Leonen eta Zamoran elkarte garrantzitsuak ditugu, oso leialak. Venta de Bañoseko Peña Venteña, Peña Paredes de Navas, Peña Palentina, Peña Medina del Campo eta Peña La Catedral elkarteko zaleekin Downing Street tabernan elkartu ohi dena, zuzendaritza-batzordearen bisita jaso zuen iazko partida hura zela-eta. Kantu eta besarkada uneak izan ziren, aurretik zer zetorkigun jakin gabe. Ez dugu ahaztu behar Palentzian iparralderago beste bi kolektibo daudela: Peña de Guardo eta Barrios de la Vegako Peña El Chopo de la Vega.

Orain, partida telebistaz ikusteko ere ezin izango dira bildu. Asier Villalibrek, Real Valladoliden utzita jokatu zuen gure lehoiak, mezu bat bidali die bideoz: “Aurten ezin izango zarete gurekin egon, baina zuen babesa sentituko dugu eta poza ematen saiatuko gara”.