BCD Sports eta B the travel brandekin berritzea

BCD Sports eta B the travel brand taldeek babesletza-akordioa berritu dute beste hiru urtez Athletic Clubekin. BCD Sports izango da bidaia-agentzia ofiziala, jokalarien joan-etorriak eta ostatuak kudeatzeaz arduratuko da, eta B the travel brand babesle ofizialtzat hartuko da. Juan Jose Hernandez BCD Meetings & Events-eko zuzendari nazionalak eta Aitor Elizegi Athletic Clubeko presidenteak sinatu dute akordioa, eta bertan izan da Jesus Ortiz, B the travel brand-eko iparraldeko zuzendari komertziala.

BCD Sports eta B the travel brand markek, Avoris Corporacion Empresarial enpresaren barnean daude, presentzia estrategikoa izango dute Athletic Cluben euskarri ofizialetan, Klubarekin batera ekitaldiak egiteko aukeraz gain. Lankidetza horren bidez, alde guztiek sustapen-ekintzak egin ahal izango dituzte zaleentzat eta bazkideentzat.

BCD Sports-ek ibilbide luze eta eskarmentuduna du kirol-ekitaldi eta -kontuen kudeaketan, eta agentzia hori da Estatuko lurraldean bezeroen eta enpresen behar espezifikoak betetzeko erreferentzia nagusia, zerbitzu espezializatu onena haien eskura jarriz eta sendotasun- eta kalitate-bermea emanez beren zerbitzuez gozatzen duten erakunde eta profesional guztientzat.

B the travel brand-ek harreman pertsonalizatua eta iraunkorra ezarri nahi du bidaiari bakoitzarekin, bere gustuak eta beharrak asetzeko balio integrala emanez. Espainia osoan eta Portugalen 700 denda baino gehiago dituen sarearekin, Avoris Corporacion Empresarial markak 1.500 espezialista baino gehiagoko taldea du bidaietan, zerbitzu pertsonal eta esklusiboa eskaintzen dutenak. 2 milioi pertsonak baino gehiagok konfiantza dute, urtero, beren esperientzian eta kalitatean.