Garazi Muruak beste denboraldi baterako berritu du
Garazi Muruak beste denboraldi baterako berritu du
Athletic Clubeko kapitainak 2023ko ekainera arte luzatu du kontratua eta bederatzigarren denboraldia beteko du zuri-gorri gisa
Athletic Clubek eta Garazi Muruak 2023ko ekainaren 30era arte luzatu dute euren kontratu harremana, duela aste pare bat lortutako akordioa sinatuz. Garazik, lehen taldeko kapitainak, 178 partida ofizial jokatu ditu guztira, eta datorren ikasturtean 200.na jokatzea lortu ahalko luke lehoi gisa.
Garazi Bizkerre FT taldean hezi zen eta duela hamarkada bat baino gehiago iritsi zen Lezamara, 2010-11 denboraldian, bigarren taldean jokatzeko. Harrobiko jokalari gisa bost denboraldi jokatu ondoren, eta urtebete East Tennesseeko Unibertsitatean (AEB) ikasten eta jokatzen aritu ondoren, defentsak 2015eko martxoan egin zuen debuta, eta 2015-16 denboraldian behin betiko jauzia egin zuen lehen taldera, taldeak bosgarren liga lortu zuen denboraldian.
Getxotarra jokalari erregularra eta sendoa da atzeko lerroan eta taldeko liderra da zelai barruan eta bertatik kanpo. Aurten 26 partida jokatu eta bi gol sartu ditu guztira.