Lagunarteko berriak Emakumezkoen taldearen denboraldiaurrea ixteko

Lehoiek erritmo onarekin eta emaitza onekin jarraitzen dute udako prestaketa. Denboraldiaurreko bosgarren astea hasita, Iraia Iturregiren taldeak hitzordu bikoitza jokatuko du Madrilen. Ostegun honetan, abuztuaren 18an, taldea Madrilera joango da Granada CF taldearen aurka jokatzeko. Talde andaluziarrak Reto Iberdrola Sur-era igotzea lortu zuen iragan denboraldian eta 2022-2023 denboraldian Jonathan Ledesmaren filialaren aurka jokatuko du. Lehoien eta andaluziarren arteko hitzordua Las Rozasen izango da abuztuaren 18an, osteguna, 19:30ean. Neurketa ateak itxita izango da. 

Gainera, egun bat geroago, abuztuaren 19an (20:00etan), denboraldiaurre honetan Primera Iberdrolari dagokion lehen aurkaria izango du aurkari Athleticek. Fuenlabradako Fernando Torres estadioan, bertan etxeko partidak jokatuko dituzten zelaian, Madrid CFFk Iraia Iturregiren neskak hartuko ditu, doaneko sarrerarekin. Madrid CFF taldeak aurreko denboraldiko pitxitxia izandako Geyse Ferreiraren baja izan du (FC Barcelonak fitxatuta), baina merkatu honetan ere ondo ari da indartzen. Maria Pryk Fuenlabradan anfitrioi izango den talde madrildarra zuzenduko du berriro.

Azken lagunartekoa, etxean CA Osasunaren aurka

Aste Nagusian bertan, bi lagunarteko berri jokatuko dituzte zuri-gorriek. Lehenengoa liga hasi aurretik etxean jokatuko den azken proba izango da: CA Osasunaren (1. RFEF) aurkako partida, Lezaman. Neurketa abuztuaren 24ko 19:00etan hasiko da, asteazkenean, instalazioetako 2. zelaian. Lehoiek eta gorritxoek elkarren aurka jokatuko dute euren txapelketen hasieratik oso gertu.

Lagunarteko derbi hau asteburu horretan bertan jokatuko den EH Kopako finalerdiaren aurretik jokatuko da. Iragarri bezala, abuztuaren 28an, igandean, Real Sociedad taldeak eta Athleticek elkarren aurka jokatuko dute irailaren 4ko finalerako txartelagatik borrokatuz. Finalerdia Tolosan (Berazubiko zelaian) jokatuko da 16:00etatik aurrera.