Partida aurrekoa: Athletic Club - Villarreal CF (LaLiga 12. J)

LaLiga San Mamesera itzuliko da. Athletic Clubek eta Villarreal CF-ek elkarren aurka jokatuko dute gaur arratsaldean (18:30ean) Katedralean, etxetik urrun bi aste jokatu ondoren. Lehoiek bi berdinketa (Sevilla FC eta Getafe CF) eta bi porrot (Atletico de Madrid eta FC Barcelona) lortu dituzte azken lau jardunaldietan. Villarreal CF aste honetan Unai Emery entrenatzailea galdu ostean dator, zuen kontratua bertan behera utzita Aston Villarekin sinatzeko. Orain aulkian Quique Setien dago. Sailkapenean 18 punturekin daude Athleticen atzetik. Bi taldeak berdinduta daude beraz, partida handi bat espero da.

Deialdia

Entrenatzaile zuri-gorriak hurrengo futbolarien zerrenda osatu du Villarreal CF-en aurka jokatzeko. Iker Muniain eta Dani Garcia lesionatuta daude eta ez dira Katedraleko norgehiagokan egongo eta Capa eta Villalibre deialdira itzuli dira.

Valverde

Hemen errepasatu osorik zuri-gorrien eta horien arteko neurketaren aurretik Ernesto Valverdek egindako adierazpenak. 

Aurkaria

1923ko martxoaren 10ean sortua, hilabete batzuk barru Villarreal CF bere mendeurrenera iritsiko da zelaia estreinatuz, Estadio de la Ceramica birmoldaketa prozesuan baitago. Horiek 1998/99 denboraldian egin zuten debuta Lehen Mailan. Urte horretan maila galdu zuten, baina hurrengoan itzuli ziren eta beste hamabi egin zituzten elitean, 2011/12 denboraldian berriro jaitsi eta urtebete geroago igo arte. Harrezkero, maila gorena jokatu dute, 22 denboraldi egin dituzte bertan, eta bigarren postuan sailkatu ziren 2007/08 denboraldian. Estadio de la Ceramican jokatzen dituzte etxeko partidak, 23.500 ikuslerentzako edukierarekin, baina gaur egun obretan daudenez, oraingoz, Ciutat de València Levante UD-ren zelaian jokatzen ari dira.

Castelloko taldeak azken minutuan irabazi zion Almeriari etxean, eta sailkapenean lehoiei orpoz orpo jarraitzen ari zaie. Seigarrenak eta zazpigarrenak, hurrenez hurren, 18 puntu dituzte eta Europako postuengatik borrokatzen dihardute. LaLigako azken bost partidetan bi garaipen, berdinketa bat eta bi porrot lortu dituzte. Conference League-n Hapoel Beer Shevaren aurka berdindu ondoren heldu dira.
 

Estatistikak

1998an LaLigan lehen norgehiagoka jokatu zutenetik, Athleticek eta Villarrealek 44 partida jokatu dituzte guztira, eta lehoiek balantze negatiboa izan dute: 12 garaipen, 15 berdinketa eta 17 porrot.

San Mamesen jokatutako neurketei dagokienez, balantze Athleticen aldekoa da. Zuri-gorriek 9 garaipen eta 7 berdinketa lortu dituzte, eta guztira 6 partida galdu.

Bi taldeen arteko azken bost partidei erreparatuz, bisitariek ezin izan dute berdinketa baino emaitza hobea lortu. Athleticek azken bost norgehiagoketatik bitan irabazi du eta beste hirurak berdindu ditu.

Kontsultatu Villarreal CF-en aurkako estatistikak hemen. 

Athleticzaleak munduan zehar

Zauden lekuan zaudela, ez galdu gure Athleticen partida