LaLiga Genuine Lezamara iritsi da

Adimen urritasuna duten 350 futbolarik baino gehiagok dagoeneko Lezamako instalazioetan LaLiga Genuineko bigarren fasea jokatzen ari dira. Guztira 33 partida jokatuko dira lehiaketa honetan parte hartuko duten 44 taldeetatik 22ren artean. 

"Lehiatu aurretik partekatu" da txapelketa honen leloa eta, horrela, Lezaman jai giroa ziurtatuta dago bai berdegunean bai harmailetan. Aurreko denboraldiko Azken Fasean gertatu zen bezala, hau ere Lezaman ospatu zen, Genuineko lehoiek, euren zaletasun alaiarekin batera, Athleticen balio anfitrioiak zintzotasunez irudikatzen ari dira.

Parte hartuko duten taldeei ongi etorria emateko ekitaldia ahalik eta eszenatoki onenean egingo zen, San Mamesen, Athletic Club – Sevilla FC emakumezkoen taldearen partidaren atarian. Bigarren fase honetako neurketak hiru jardunalditan jokatuko dira: larunbat goizekoa eta arratsaldekoa, eta igande goizekoa. Lehiaketa Futbol 8 modalitatean jokatzen da, 10 minutuko 4 zatiko partidetan.

Athletic Genuineren partiden egitaraua

Athletic Genuine “Respeto” taldean dago, LaLigan parte hartzen duten 44 klubek osatzen duten hiru multzoetako batean. Gainerako taldeak hauek dira: Albacete Fundazioa, SD Huesca, Gijongo Real Sporting, CA Osasuna, Deportivo Alaves, SD Ponferradina, Real ValladoliDi, Real Zaragoza, CD Lugo, UD Ibiza, Coruñako Deportivo, FC Andorra eta Levante UD EDI.

Athletic Genuinek Lezaman jokatuko dituen hiru partidak honako hauek dira:

• Athletic Club Fundazioa – Albacete Fundazioa (Larunbata, 11:00, Lezaman)
• Real Sporting Gijón – Athletic Club Fundazioa (Larunbata, 17:30, Lezaman)
• Athletic Club Fundazioa – SD Ponferradina (Igandean, 12:00etan, Lezaman)

Lezaman LaLiga Genuineko partidak ikusteko sarrera doakoa da. Partidak 6 eta 8 zelaietan jokatzen ari dira (arkuaren ondoan).