Euskal Non-League Day: Arenas – Barakaldo

Athletic Cluben hitzartutako klub guztietatik bakar batek esan dezake LaLigako talde sortzaileetako bat dela eta zazpi denboralditan Lehen Mailan jokatu duela: Getxoko Arenas Club. Gerra Zibilaren aurretik bere loria-aldia bizi izan zuen talde historiko hau, besteak beste, 1919an Kopako txapeldun geratu zen, FC Barcelonaren aurka.

Urrezko urte haietako mito gorri-beltzen artean, Pedro Vallana, Jose Maria Yermo, Jose María Peña, Domingo Careaga, Francisco Pagaza, Jose Maria Jauregui eta Felix Sesumaga lehoia nabarmentzen dira, guztiak ere Espainiako selekzioarekin nazioartean ibiliak. Gainera, Vallanak, Pagazak eta Sesumagak zilarrezko domina irabazi zuten Anberesko Olinpiar Jokoetan.

Gerra Zibilaren ondoren, Arenasek bost denboraldi egin zituen Bigarren Mailan, eta, ondoren, Getxoko talde ospetsuak Hirugarren Mailaren eta Eskualdeko Preferenteren artean txandakatu zuen epe luze bat heldu zen 1979an izan ezik, urte horretan Bigarren B Mailan jokatu baizuen. Azkenik, Zuzendaritza-batzorde berriaren bultzadari esker, 2015ean Arenas Bigarren B Mailara igo zen berriro, 2022an RFEF Lehen Maila berrira igotzeko play-off-ean sartu zelarik.

Euskal Non-League Day Gobelan

Arenas eta Barakaldoren arteko Euskal Non-League Fay partida, Gobela futbol-zelaian XX-ean jokatuko dena, aukera paregabea da Athleticen 125 urteko historian pisu handiena izan duten bi euskal kluben arteko lehia ikusteko.

Arenaseko elastiko gorri-beltza eta Athleticeko elastiko zuri-gorria jantzi duten futbolarien artean izen ospetsuak daude, hala nola Félix Sesumaga, Guillermo Gorostiza, Jose Mari Zuluaga, Iñaki Oinaederra, Pablo Otaolea, Cilaurren, Blasco, Meltzer, Raimundo Pérez Lezama, Carlos Meléndez, Suárez, Travieso, Zubiaga, Mandaluniz, Duque, Vidal, Del Olmo, Luis Bergareche, Jose Luis Bergaretxe, Azkorra, Isaac Aketxe, Aitor Ramos eta Undabarrena.

Arenasek Euskal Non-League Day txapelketaren lehen edizioan izango duen aurkariak ere jokalari historiko ugari ditu, Barakaldon ez ezik, Athleticen ere jokatu dutenak. Bitxia bada ere, horietako hiruk, Guillermo Gorostizak, Traviesok eta Miguel Gainzak (Piru Gainza mitikoaren anaia) ere Arenasen jokatu zuten. Barakaldon jokatu zuten beste lehoi nabarmen batzuk Venancio, Bata, Sarabia, Dani, Oceja, Koldo Etxeberria, Escalza edo Telmo Zarra bera dira.

Gogora dezagun partidara doazenen artean, Arenas Clubek Athleticen lehen taldeen bi kamiseta eta Athletic eta Cadizen arteko San Mameseko partidarako bi VIP sarrera zozketatuko dituela.