Crown Sport Nutrition, Klubaren hornitzaile ofiziala

Athletic Clubek eta Crown Sport Nutritionek, kirol nutrizioan espezializatutako enpresak, denboraldi baterako lankidetza hitzarmena sinatu dute, Crown Sport Nutrition klubaren hornitzaile ofizial bihurtzeko.

Crown Sport Nutrition errendimendu handiko kirol-nutrizioan espezializatutako enpresa nabarmena da. Arnedon (Errioxa) sortu zen, eta, oro har, unibertsitate ezagunekin (Greenwicheko Unibertsitatea, esaterako) lankidetzan egindako ikerketa-lan etengabean oinarritzen da. Unibertsitate horiek bermatzen dute beren produktuen oinarri zientifikoa, eraginkortasuna eta kalitatea. Segurtasunarekin duen konpromiso sendoak Informed Sport dopinaren aurkako ziurtagiri ospetsuaren babesa du.

Toscana Viar Athletic Clubeko nutrizionistaren ustez, "kirol osagarria funtsezko faktorea da gure jokalarien errendimendu eta errekuperazioan. Crown Sport Nutritionekin elkartzea errendimendu handiko kirol-nutrizioan aitzindaria den enpresa batekin elkartzea da, gure taldeen zaintza hobetzen duena".

Pol Gieco Villegasek, Crown Sport Nutritionen sortzaile eta CEOak, bi marken arteko batasunaren aldeko gogo bizia azaldu du: "Zientziaren eta kalitatezeko zerbitzu baten bidez kirolari balio erantsia emateko konpromisoa dugu. Gugan konfiantza duten kirolariei esker, munduko gailurrean gaude tenisean, txirrindularitzan, triatloian, trailean eta atletismoan, besteak beste. Athletic Clubekin kolaboratzea exijentzia handiko klub baten eskutik ikasteko eta berritzeko aukera paregabea da".