Maitane Vilariño, lehoi berria familian
Maitane Vilariño, lehoi berria familian
Olaztiko aurrelariak, bigarren taldeko fitxarekin eta uda honetan Osasunatik etorrita, lehen minutu ofizialak jokatu zituen David Aznarren aginduetara atzeko eskuin hegalean
Maitane Vilariño izan zen Athletic Clubek Lezaman Granada CF mendean hartzea lortu zuen partidako albiste onenetako bat. Osasunatik etorritako aurrelariak, denboraldi honetan taldean sartu berriak, lehen talde zurigorriarekin egin zuen debuta Liga F-ko 2. jardunaldiko partidan.
Olaztiko aurrelaria, bitxia bada ere, David Aznarren aginduetara lehiatu zen lehen aldiz atzeko eskuineko hegalean, 22 urteko neskarentzat oso ohikoa ez zen tokian, eta maila bikaina eman zuen belar gainean egon zen 73 minutuetan.
29. dortsala bizkarrean duela, Vilariñok bere historian zehar Athletic Clubeko elastikoarekin debuta egin duen 121. lehoia da. Lehen partida ofiziala eta garaipena. Amestutako estreinaldia.