Adierazpen ofiziala: identifikazioa eta neurriak

Athletic Clubek Erromako istiluetan parte hartu zuten 15 lagunen (Herri Norte Taldeko 10 kide eta Girondins de Burdeoseko Ultramarineko 5 kide) identifikazio txostena jaso du agintari eskudunen aldetik. Ondorioz, urriaren 1ean iragarritako protokoloari jarraituz, Athletic Clubek identifikatutako bi bazkide bakarrei dagokien txostena emango dio Diziplina Batzordeari, dagozkien diziplina-espedienteak irekitzeko. Era berean, gertaeren larritasuna ikusita eta horrelako portaera berriak izateko arriskua prebenitzeko, Athletic Clubek betoa jarriko die, mugarik gabe, Athletic Cluben instalazioetatik kanpo egiten diren partidetarako sarreren salerosketari.

Txostenean identifikatutako gainerako 13 pertsonak ez dira Athletic Clubeko bazkideak. Helburu berarekin, San Mames estadiora eta Lezamako instalazioetara sartzea galaraziko zaie eta, era berean, Athletic Cluben instalazioetatik kanpo egiten diren partidetarako sarreren salerosketa debekatua izango dute.

Horietako edozeinekin lankidetzan aritzen direnek, azken horiek neurriak bete ez ditzaten edo neurri horiek aplikatzea saihets dezaten (adibidez, partida batean sartzeko sarrera bat edo karnet bat lagatzea), gertakari horren aurrean ere erantzungo dute, eta denbora berean saihesten lagundu zuten neurri berberak aplikatuko zaizkie (estadiora sartzea eta sarrerak erostea debekatuta izango dute).

Azkenik, Klubak intzidenteen egileei bere jardunaren ondorio ekonomikoak erreklamatuko dizkie .

Athletic Clubek indarkeria mota ororekiko zero tolerantziarekiko konpromisoa berretsi du, eta agintariekin lanean jarraituko du gure harmailak eta taldea animatzera joaten garen harmailak elkarbizitzaren, errespetuaren eta kiroltasunaren eredu izan daitezen.