"Partida bikaina egin dugu"

"Oso pozik gaude. Beti espero duzu partida laster bideratzea, dena ondo ateratzea eta horrela izan da. Zorrotzak izan gara eta oso indartsu hasi gara. Irmotasunez eta erabakitasunez partida handia egin dugu". Ernesto Valverde pozik agertu da Athleticek Espanyolen aurka lortutako garaipen sendoan lehoiek erakutsitako mailagatik. Lehoiei Europako postuetan finkatzeko aukera ematen dieten hiru puntu lortu dituzte gaurkoan. 

Txingurri zuzentzen duten jokalariak erasokor agertu ziren aurkari zaila baten aurrean: "Espanyolek eskaintzen duen guztia jakinda, partida indartsua planteatu dugu. Garrantzitsuena taldeak zelaian aurkeztu duen determinazioa eta gure bertuteak aurkariarenak baino lehen erakusteko dugun etengabeko borroka da".

Hurrengo helburua: Europa, Slavia Praharen aurka: "Osteguneko partidari gogo onez eta sendo ekingo diogu. Garrantzitsua da egiten dugunarekin ondo eta pozik egotea. Orain beste istorio bat eta beste txapelketa desberdina. San Mamesen Europako beste gau batez gozatzeko gogoa dugu".