"Oso konfiantza-une onean gaude"

Ernesto Valverde komunikabideen aurrean agertu zen Athletic Clubek Rayo Vallecanoren aurka markagailua iraultzea lortu ostean. Oihan Sanceten bi golek LaLigako laugarren postuan kokatzea ahalbidetzen die lehoiei: "Oso partida parekatua eta lehiatua izan da, beti bezala Vallecasen. Kalitatezko jokalariak dituzunean partida erabaki dezakete eta horrela izan da, Oihan oso ondo aritu da eta pozik gaude horregatik. Konfiantza-une onean gaude eta bultzada hau aprobetxatu nahi dugu".

Asteazkenean Katedrala bisitatuko du Real Madrilek. Athletic Clubek ahalik eta egoerarik onenean ekingo dio talde madrildarraren aurkako neurketari: "Asko eskatzen diguten bi txapelketa jokatzen ari gara eta bietan dena ematera iritsi nahi dugu. Orain beste hiru puntu garrantzitsu jokoan izango dituen hurrengo partidan pentsatzen hasiko gara".