Vuelingek Athletic Cluben hegazkina estreinatuko du Istanbulerako bidaian
Vuelingek Athletic Cluben hegazkina estreinatuko du Istanbulerako bidaian
Klubaren lehen aireontzi pertsonalizatua da, jokalarien irudiekin, Klubaren nazioarteko proiekzioa bultzatuko duena Europa osoan zehar
Vuelingek eta Athletic Clubek astearte honetan aurkeztuko dute euren hegazkin pertsonalizatua, jokalarien irudiarekin, koloreekin eta Klubaren ezkutuarekin. Hegazkin horretan bidaiatuko dute lehoiek Istanbulera, UEFA Europa Leagueko partida Fenerbahçeren aurka jokatzeko.
Hau da Klubak hegazkin propioa duen lehen aldia. Hegazkinean Iñaki eta Nico Williams, Oscar de Marcos, Dani Vivian, Oihan Sancet eta Unai Simonen irudia agertzen da, kolore eta ezkutu zuri-gorriekin konbinatuta. Jokalarien atzean "ATHLEEEEEEETIC" irakur daiteke. Gainera, hegazkinaren behealdean, aireratzean eta lurreratzean ikusgai, Klubaren beste lelo klasiko bat sartu da: "AUPA ATHLETIC!".
Hegazkina, Vuelingeko A320 bat, Europa osoan 250 ibilbide inguru egiten dituen konpainiaren flota erregularraren parte izango da, eta, horrela, Athletic Cluben irudia nazioartean zabalduko da.
Hegazkinaren barrualdea ere asko zaindu da, Athletic Cluben sinbologia eta espiritua erakutsiz. Buru-euskarriak kolore zuriarekin eta gorriarekin pertsonalizatu dira, eta "baxu hegan egien oso altu iritsiko gara" esaldia daramate inprimatuta, Iñaki Williamsek eta gainerako jokalariek behin baino gehiagotan erabili duten esaldia gogora ekarriz. Gainera, Vuelingek barnealdeko beste eremu batzuk pertsonalizatu ditu ere, hala nola ekipajerako konpartimentuak bi entitateen logoarekin, leihoak eta bainuetako ispiluak, logotipoekin eta lehoiei eskainitako esaldi inspiratzaileekin. Hegazkinean doazen bidaiariek honako mezu hau ere aurkituko dute: "Athleticekoa izatea gauza bakarra da. Ezagutu zergatik", eta QR kode bat, Athletic Clubaren kirol-filosofia berezian sakontzen duen landing batera daramana. Gainera, bidaiariek hegazkinaren kanpoko diseinuko jokalari berak protagonista dituzten eta Unique In The World istorio hau kontatzen duten bideoak ikusteko aukera izango dute.
Vueling, Athletic Cluben airelinea ofiziala
Hegazkin hau Vueling eta Athletic Cluben arteko aliantzaren parte da, uda honetan euren akordioa hurrengo bi denboraldietarako berritu ondoren. Klubaren babesle premium da Vueling eta bere bere logotipoak Liga, Kopa eta Superkopako partiduen praketan dagoen bakarra izaten jarraituko du, baita entrenamenduetako arropetan ere.
Gainera, Vuelingek irudi-eskubide esklusiboak eta aktibazio desberdinak izango ditu. Bere marka funtsezko elementuetan egongo da, hala nola prentsa aretoko mikrofonoetan, zelai erdiko olana partida egunetan eta eremu mistoko euskarrietan, ligako partiden ondoren elkarrizketak egiteko erabiltzen direnak.