#UniqueInTheWorld: Be unique. Be you.

Athletic Clubek duela hilabete batzuk UNIQUE.EUS sortu zuen, gizonezkoen lehen taldea Europara itzuli zela aprobetxatuz, nazioartean bere marka irudia proiektatzeko.

Gainera, ikusmin eta interes handia sortu duten bi trailer aurreratu zituen, eta gaur aurkeztu behar zen kanpainaren hasiera ofiziala adierazten zuen erloju baten atzerako kontaketa abiarazi zuen. Promozio-bideoaz gain, bere nortasun paregabean inspiratutako arropa-bilduma bat ere badu kanpaina honek, dagoeneko denda fisikoetan eskura daitekeena (San Mames eta Errekalde zumarkalea) eta laster online dendan eskuragarri egongo dena.

BIDEOA IKUSI

Athletic Clubek beti jakin izan du bere filosofia bereziak sinpatia eta mirespena pizten zituela munduan zehar, 42 (37 gizonezkoetan eta 5 emakumezkoetan) titulu ofizial dituen talde bati buruz lehen aldiz hitz egiten entzuten zuenarengan, beti Lehen Mailan jokatu baitu, eta hori guztia ordezkatzen duen euskal lurraldean jaiotako edo trebatutako futbolariekin soilik lehiatuz.

Filosofia horrek gure tokiko nortasuna indartzeaz gain, gure sustraiekiko leialtasun eta harrotasun mezua zabaltzen du. 2018 .urtean, Marsellako Olympiquen aurka jokatu zuen Europako kanporaketa zela eta, San Mamesek lehen aldiz jantzi zuen Unique In The World tifoa, taldearekin batera Katedralean jokatutako partida garrantzitsuetan egon dena, baita Cartujako Kopako finalean eta ondoren Gabarrara igo zen tituluaren ospakizunean.

Orain, Kluba urrats bat harago doa, eta Athleticen irudia proiektatzeko kanpaina bat aurkeztu du, Europan parte hartzen ari dela erakusteko eta gure Klubaren berezitasunak mundura zabaltzeko, komunitate athleticzalearen kide izan nahi duten guztiei eskainia. Kanpainak bi helburu zehatz ditu: Athletic Cluben marka aitorpena zabaltzea estatu eta nazioarte mailan eta markaren ospea indartzea athleticzaleen komunitatea mundu osoan zehar zabalduz.
 

Be unique. Be you.
 

Erakundearen historia eta Bilbo hiriarekin eta Industria Iraultzarekin duen lotura sakona kontatzen duen diskurtsoarekin, narratibak azpimarratzen du Athletic Euskal Herriko ezaugarri den espiritu langile, berritzaile eta erresistentearen isla dela izan dela hamarkadetan zehar. Tradizioz, ahaleginez eta pasioz osatutako kontakizuna da, eta komunitatearekin duen lotura eta Europako futbol-panoraman utzitako ondarea indartzen ditu.

Xehetasun bakoitzak zelaian eta zelaitik haratago kolpez kolpe eratzen jarraitzen dugun istorioa irudikatzen du. Norberaren nortasunaren aldeko borroka, edonor Athletic Clubekin identifika dadin. Be Unique. Be you.