FC Garazi, Iparraldeko hamargarren klub hitzartua
FC Garazi, Iparraldeko hamargarren klub hitzartua
Behe Nafarroako klubak 2030eko ekainaren 30era arte izango du harremana Lezamarekin
Athletic Clubek bere erasoa berresten jarraitzen du Iparraldean, bere harrobi proiektuak onarpen handia baitu bertan. Eskualdean dauden bederatzi klubei Donibane Garaziko FC Garazi gehitu behar zaie, 1978an sortua eta 300 fitxa baino gehiago dituena 25 talderekin.
Behe Nafarroako taldeak konpromisoa hartu du berehala Bilboko entitatearekin 2030eko ekainaren 30era arte. San Mamesen egindako sinaduran Nicolas Bidondo presidentea, David Svitac Iparraldeko hautatze teknikaria eta Sylvain de Weerdt Athletic Cluben Iparraldeko zuzendari teknikoa egon dira.
Hala, dagoeneko hamar bat dira Iparraldeko klubak Athletic Cluben egiturarekin bat eginda, aurretik JA Biarritz, Hiriburuko Ainhara, Arbona FC, Elan Boucalais, SPUC, Ardanavy FC, AS Bidache FC, SA Mauleonais, Kanboko Izarra eta FC Garazi taldeekin sinatu ondoren.
Athletic Clubek Iparraldearen aldeko apustuarekin jarraitzen du, ezinbestekoa baita Made in Euskal Herria proiektuaren aurrerapenerako.