"Gure lanarekin irabazi dugu Txapeldunen Ligara joateko lehian egotea"

Ernesto Valverde komunikabideen aurrean agertu zen Reale Arenan jokatutako derbiaren ostean. Athletic Clubek puntu landu bat eskuratuta Realaren aurkako derbi bizian: "Euskal derbia. Bi taldeetako batek edozein akats balia zezakeen, baina ez gara zehatzak izan. Jokaldi bakanen batean gerta zitekeen bietako batek irabaztea. Talde on baten aurka jokatu dugu eta puntuari garrantzi handia ematen diot".

Lehoiek LaLigako laugarren postuari eusten diote eta Villarreal eta Betisekin lehian Txapeldunen Ligako postu bat lortzeko datorren denboraldian. Entrenatzaile zuri-gorriak zuzentzen duen taldeak kontinenteko txapelketa nagusira sailkatzeko lehian egotea irabazi du: "Asteak igarota laugarren postuari eutsi ahal izatea bultzada handia da. Horri eusteko borrokatu behar da, eta maila altuko bi talderen aurka ari gara. Aurten denboraldi ona egiten ari gara eta pozik gaude. Champions-en sartzeko aukera dugu guk talde bat gehiago joan dadin lagundu dugulako, baita ere, eta hor gaude aukera guk irabazi egin dugulako. Ea orain nora iristen garen azken esprint honetan. Askoz gehiago ospatu behar dugu lortzen duguna".

Orain, ligako konpromisoa beteta, ahalegin guztiak ostegunean Old Trafforden markagailua iraultzeko oinarritzen dira: "Futbola ezin da aurreikusi, ez dakigu zer gerta daitekeen. Badakigu oso zaila dela, baina ez dago ezer idatzita. Ezin diogu geure buruari barkatu ez saiatzea".