Osasuna, komunitatea eta ongizatea Athletic Martxarekin ospatu
Osasuna, komunitatea eta ongizatea Athletic Martxarekin ospatu
Datorren ekainaren 15ean, igandean, Athletic Clubek eta Fundazioak Lezamatik San Mamesera martxa arautu batean parte hartzera animatzen zaituzte, zailtasun maila desberdinetako hiru ibilbiderekin, edonor bertaratu ahal izateko, bere egoera fisikoaren maila kontuan hartu gabe
Athletic Clubek komunitate ekitaldi berri bat antolatu du gizartea mobilizatu eta bizi ohitura osasungarriak sustatzeko: Athletic Martxa. Martxa arautu ez lehiakorra da eta ibilbide nagusian Klubaren bi egoitza lotuko ditu: Lezamako kirol instalazioak eta San Mames zelaia.
Horrez gain, ibilbide nagusiaren ordezko eta gainjarritako beste bi ibilbide aurreikusten dira: bata, familiarragoa eta ez hain zorrotza, 12:00ak aldera irtengo dena Artxandako gainetik, funikularraren ondoan, eta bestea, Salbeko zubian 12:30ak aldera abiatuko den mugikortasun mugatuko pertsonei zuzendua. San Mamesera eguerdiko 13:00etan iritsiko dira.
Estadiora iristean, San Mameseko zabalgunean Topaketa handi bat ospatuko da, umeentzako jolasekin, martxa familian itxi ahal izateko.
Antolakuntza arrazoiak direla eta, 1.500 pertsonak baino ezin izango dute parte hartu: 750 lagunek Lezama-San Mames ibilbide nagusian; 400 lagunek lehen ibilbide alternatiboan, Artxanda-San Mames; eta 350 pertsonak ibilbide laburrenean, La Salve – San Mames. Izen-emateak ibilbide osorako 12 € (helduak) eta 6 € (haurrak) balio izango ditu, 10 € (helduak) eta 5 € (haurrak) Artxandatik abiatzen denerako eta Salbetik ateratzen dena doakoa delarik.
Izena emateko epea honako esteka hauetan zabalik dago tokia bete arte:
- Lehen ibilbidea: Lezamako instalazioetatik irteera izango duena. 9:30ean >> Apuntatu zaitez hemen
- Bigarren ibilbidea: Artxandako funikularretik irteera izango duena. 12:00etan >> Apuntatu zaitez hemen
- Hirugarren ibilbidea: Salve zubitik irteera izango duena. 12:30ean >> Apuntatu zaitez hemen
Probaren araudia eta informazio erabilgarria
Antolatzaileek martxa irekitzeko talde bat izango dute, baina parte-hartzaileek ez dute talde hori aurreratu beharko, martxa ez baita lehiakorra.
Antolakuntzak parte-hartzaileei iradokitzen die aukeratutako abiapuntuan 20 minutu lehenago egon daitezela ibilaldiaren igarotzea arintzeko.
Ibilbidea, eguneko baldintza meteorologikoak eta antolatzaileek aurreikusitako ordutegi-kalkuluak hartuko ditu kontuan.
Ibilbidean zehar laguntza emango duten pertsonak izango dira, bai eta ixteko eta laguntzeko talde bat eta osasun-laguntza ere hainbat tokitan. Dispositiboak ibilbide osoa eta beste bi aukeretakoak hartuko ditu kontuan.
Leon de Artxanda jatetxeko aparkalekua ibilbide luzerako hornidura-gune bakarra izango da.
Leku hori eta pasaguneak garbi geratuko dira, eta edukiontziak jarriko dira hondakinak kentzeko.
Martxa hastean eguraldiak hala behartzen badu, antolatzaileek ibilbidea bertan behera utzi, atzeratu edo aldatu ahal izango dute.
Martxa borondatez utzi nahi duen edozein parte-hartzailek gertuen duen erakundeko langileei jakinarazi beharko die.