Bazkideak: Ohorezko palkoa, Haurrentzako sarrerak eta hasierako hamaikakoarekin argazkia ateratzea
Bazkideak: Ohorezko palkoa, Haurrentzako sarrerak eta hasierako hamaikakoarekin argazkia ateratzea
Denboraldi honetarako izen-emateak astelehenean hasiko dira, 10:00etan, Sevilla FC taldearen aurkako partidarako
Athletic Clubeko bazkideek, beste denboraldi batez, webguneko Bazkideen Txokotik ('Zozketetan izena ematea' atalean) eman ahal izango dute izena gizonezkoen lehen taldeak San Mamesen jokatuko duen partida bakoitzari begira egingo diren zozketetan:
- Haurrentzako sarrerak.
Bazkide bati baimena ematen dio Klubari txartela lagatzeko, 14 urtetik beherako umeentzako 4 sarrera batera erosteko eta adingabeen ondoan esertzeko gonbidapena lortzeko. 20 €tik aurrera (partidaren arabera) haurren sarrera bakoitza.
- Haurrek hasierako hamaikakoarekin argazkia ateratzea.
Haur bat inskribatzeko aukera ematen du, partida hasi aurreko argazkian taldearekin jarri eta oroigarri gisa izateko argazkia jaso. 15 €.
- Ohorezko palkorako pasea.
San Mameseko Ohorezko Palkotik partidaz gozatzeko aukera ematen du (bazkide gisa egindako ibilbide osoan behin bakarrik). Doakoa.
San Mamesen Sevilla FC taldearen aurka jokatuko den lehen partidaren (abuztuak 17ean, igandea) zozketetarako izen-emateak astelehen honetan, hilaren 4an, irekiko dira, 10:00etan.
Informazio garrantzitsua:
- Inskripzioak: hiru prozesuetan izena emateko epeak (24 ordukoak) berdintzen dira: San Mamesen jokatutako azken partidaren hurrengo laneguneko 10:00etatik ondorengo eguneko 10:00etara.
- Zozketak:zozketarako epeak hiru prozesuetan berdintzen dira, baldin eta plaza erabilgarriak izena eman duten pertsonak baino gutxiago badira. Izen-emateak ixten diren eguneko 12:00etan egingo da, eta ondoren Bazkideen Txokoan eta posta elektronikoz jakinaraziko zaie izena eman duten bazkide guztiei.
- Ordainketa: ordainketa online egingo da, haurren sarreren zozketan sarituak izanez gero edo hasierako hamaikakoarekin argazkia ateraz gero (Ohorezko Palkorako prozesua doakoa da) eta nahitaez bete beharko da zozketaren emaitza jakinarazi ondorengo 48 orduetan.
- Komunikazioak: izena eman duten bazkide guztiek mezu elektronikoak jasoko dituzte, zozketaren aurretik eta zozketaren ondoren, sarituak izan diren ala ez jakinaraziz. Gainera, Bazkideen Txokoan prozesuaren egoera ikusi ahal izango dute uneoro. Segurtasun arrazoiak direla eta, bazkide-kodeak ez dira webgunean argitaratuko.