Asistentzia errekorra San Mameseko Ligako estreinaldi batean

Athletic Clubek garaipen handi batekin inauguratu du 2025/26 denboraldia, bai eta San Mamesek Ligako debutean izandako asistentzia handienarekin: 49.134 pertsonek ikusi zuten Katedralean Sevillaren aurkako 3-2ko garaipena.

Orain arte, LaLigaren estreinaldirik onena (bertaratzeari dagokionez) 2023/24 denboraldiakoa zen, Real Madrilen aurka, 48.927 ikuslerekin. Atzetik, 2019/20ko Liga hasiera, FC Bartzelonaren aurka, 47.693 pertsonarekin. 

Athletic Clubek beti izan du bere arrakastaren zati handi bat zaleek emandako laguntzan, eta atzoko partida horren adibide ona izan zen. Harmailaren eta jokalarien arteko batasuna funtsezkoa izan zen partida zail jarri zenean eta azkenean ospakizunen gau handi batean bukatu zen dena, Bilboko Aste Nagusian erabat murgilduta. 

Mugarri berri honek, gainera, San Mameseko bertaratzearen goranzko joera berresten du, bi denboraldiz jarraian (2023/24 eta 2024/25) asistentzia errekorra hautsi ondoren.