Prezio bateratua bisitarien zaleentzat Primera Federacion mailan

Primera Federacion mailako I. Multzoan parte hartuko duten hamasei klubek, tartean Bilbao Athleticek, akordio bateratua lortu dute zale bisitarien bertaratzea errazteko eta prezioak bateratzeko.

Hitzarmenak 15 euroko prezio bakarra ezarri du sarreretan talde sinatzaileen arteko liga partidetako zaleentzako. Hortaz, joan-etorriak erraztu, zaleen arteko bizikidetza sustatu eta partidetarako sarbide eskuragarriagoa bermatu nahi da.

Akordioan hamasei klubek hartzen dute parte: Unionistas de Salamanca, C.D. Guadalajara, Osasuna Promesas, C.F. Talavera de la Reina, Racing de Ferrol, C.P. Cacereño, Celta Fortuna, C.D. Lugo, Zamora C.F., C.D. Tenerife, S.D. Ponferradina, A.D. Merida, Ourense C.F., Bilbao Athletic, Real Aviles Industrial C.F. eta Barakaldo C.F.

Konpromisoa elkarren artean aplikatuko da 2025/26 denboraldian zehar, eta Liga erregularreko partidak kanpoan geratuko dira.

Urrats honekin, Bilbao Athleticek eta atxikitako gainerako taldeek futbol hurbila, errespetuzkoa eta zale guztientzat eskuragarria bultzatzeko borondatea indartzen dute.