Athletic Clubek Champions Leagueko bere zortzi aurkariak ezagutuko ditu Monacon

Athletic Clubek ostegun honetan ezagutuko ditu Champions Leagueko lehen faseko bere zortzi aurkariak, 18:00etan Monacon egingo den zozketan. Erakunde zuri-gorriaren ordezkaria Nerea Ortiz presidenteordea izango da.

Parte hartzen duten 36 klubak lau ontzitan banatzen dira, azken bost denboraldietako UEFA koefizientearen arabera. Lehoiak 4. ontzian egongo dira, eta multzo bakoitzeko bi aurkari izango dituzte arerio: partida bat San Mamesen eta beste bat kanpoan. UEFA-k ostegunean baieztatuko du koefizienteen araberako banaketa.

Lehen fase honetan, txapelketan aurrera egingo dute ligaxkako lehen 24 sailkatuek, Athleticek ezin izango du LaLigako lau sailkatuen aurka jokatu (FC Barcelona, Real Madrid, Atletico eta Villarreal), ezta federazio bereko bi talde baino gehiagoren kontra ere.

UEFA Champions Leagueko egutegi osoa eta partiden datak larunbat honetan jakinaraziko dira beranduenez. Finala Budapesten izango da eta lehen jardunaldia irailaren 16tik (asteartea) 18ra (osteguna) jokatuko da.

Lau ontzitan banatutako 36 klubak honako hauek dira:

1. ontzia
PSG, Real Madrid, Manchester City, Bayern Munich, Liverpool, Inter, Chelsea, Borussia Dortmund eta FC Barcelona 

2. ontzia
Arsenal, Bayer Leverkusen, Atlético de Madrid, Benfica, Atalanta, Villarreal, Juventus, Eintracht Frankfurt eta Club Brujas

3. ontzia
Tottenham, PSV Eindhoven, Ajax, Napoli, Sporting Club de Portugal, Olympiacos, Slavia de Praga, Bodo/Glimt eta Olympique de Marsella

4. ontzia
FC Copenhague, AS Monaco, Galatasaray, Union Saint Gilloise, Qarabag, Athletic Club, Newcastle, Pafos eta FC Kairat Almaty