111 jokalari izena emanda afizioen arteko partidarako Dortmunden!

111 athleticzalek eman dute izena urriaren 1eko goizean jokatuko den Borussia Dortmunden eta Athletic Cluben arteko Walking Football partidan. Partida berezi hau Athletic Club Fundazioak sustatutako Follow Something Unique ekimenaren barruan kokatzen da, BVB Fundazioaren laguntzarekin. Athletic Clubaren balioei lotutako jarduera programa bat da, hala nola kiroltasuna, errespetua, identitatea, aniztasuna edo memoria historikoa.

Zozketa egin ondoren, Athletic Clubek email bat bidaliko die Borussia Dortmundeko EVONIK futbol akademiaren zelaian (Signal Iduna Parka estadiotik metro gutxira) elastiko zuri-gorria defendatuko duten pertsonei.

Era berean, Klubak zozketan zorterik izan ez dutenei afizionei arteko giroaz eta adiskidetasunaz gozatzera eta, nola ez, Walking Football partidan Athletic animatzera gonbidatzen ditu.

Carlos Gurpegui izango bada talde zuri-gorriko kapitaina, "Die Schwarzgelbenlos" (beltzez eta horiz) taldearen aldetik, Borussia Dortmundek adierazi du Kevin Groкkreutz jokalari ohi eta Alemaniarekin Munduko txapeldun izandakoak hartuko duela parte. Amand Theis izango du lagun aulkian, hau ere Borussiako jokalari ohia.

Haritza landatzea

Gainera, eta Follow Something Unique ekimenaren barruan, eguerdiko 12:30ak aldera, Athletic Clubeko ordezkaritza batek, Borussia Dortmund taldeko ordezkariekin batera, haritz bat landatuko du harrera hiriari eskerrak emateko. Haritzaren ondoan, plaka bat jarriko da, honako mezu honekin:

"Wir kamen als Rivalen, wir gehen als Freunde. Danke, Dormund, eskerrik asko"

Hau da: "Aurkari bezala iristen gara, lagun bezala joaten gara. Danke, Dortmund, eskerrik asko ".