Athleticek Bartzelonaren aurka jokatuko du 2026ko Superkopako finalerdia, Yedan
Athleticek Bartzelonaren aurka jokatuko du 2026ko Superkopako finalerdia, Yedan
Partida King Abdullah Sports City estadioan jokatuko da urtarrilaren 7an edo 8an, 20:00etan
Superkoparen hurrengo edizioa Yedan (Saudi Arabia), King Abdullah Sports City estadioan, jokatuko dela baieztatu du RFEFk. Finalerdietarako gurutzaketak, urtarrilaren 7an eta 8an jokatuko direnak, honela zehaztu dira:
FC Barcelona – Athletic Club (2024/25 Ligako lehen eta laugarren sailkatuak)
Atletico Madrid – Real Madrid CF (2024/25 LaLigako bigarren eta hirugarren sailkatuak)
Finalerdiak jokatzeko hurrenkera hurrengo egunetan egingo den zozketa baten bidez erabakiko da. Partidak 20:00etan jokatuko dira (22.00etan Saudi Arabian) eta Movistar+ek emango ditu esklusiban.
Finalerako txartela lortzen duten taldeek urtarrilaren 11n, igandean, jokatuko dute, ordu berean.
