"Sendoagoak izan behar dugu"

Javi Lergak Lezaman gaur goizean hitz egin du eta Clara Pinedoren deialdira itzuliko dela baieztatu du komunikabideen aurrean. Bilbotarra denboraldiaurreko azken partidan lesionatu zen eta bi hilabete eman ditu bajan. "Lasaitua" eragin dio alderdi horrek aste honetan jokalari guztiekin (Estefa izan ezik, osatzen jarraitzen baitu) entrenatzeko aukera izan duen tekinkari zuri-gorriari. Athleticek Murtziara bidaiatuko du gaur arratsaldeko 16:00etan Alhama CF taldearen aurka jokatzeko. Talde igo berria da Alhama CF, baina ez da talde erraz garaitzen diren horietakoa.

"Zortea ere lagun izatea nahi dugu, hiru puntu horiek lortzeko. Taldeak gauza honak egin ditu, baina beti gertatu da asko zigortu gaituen zerbait. Dinamika aldatu nahi dugu", esan du Lergak.

"Taldeak oso ondo entrenatzen du eta oso lotuta dago", azaldu du Tafallakoak. Bolada zail honi egoera aldatzeko "heldutasun eta lehiakortasun puntu" baten faltan oinarritzen du. "Funtsezkoa da hiru puntuak lortzea buruz ondo etorriko zaigun atsedenaldiari aurre egin ahal izateko", jarraitu du.

Etxean jokatzen duen talde beterano baten aurkako partida

Alhama CF taldeak lehoiak bikoizten ditu puntutan. Ez da aurkari erraza, baina bai taldea aurrez aurre izan duten beste batzuk baino "zailagoa". "Partida tranpa" izan liteke dinamika irabazle batean dagoen Alhama CF baten aurka. "Beteranoak dira eta etxean jokatzen dute. Ez da final bat, baina bai oso garrantzitsua den norgehiagoka. Bide luzea dago egiteko", zehaztu du entrenatzaile zuri-gorriak. Eskertuta eta lasai agertu da, nahiz eta exijentzia handia duen.

Azkenik, Lergak esan du hasiera txarra egoera mentalarekin lotuta dagoela: "Gauzak ondo ateratzen ez zaizkizunean, zurrunbilo batean sartzen zara, eta gauza asko gaizki egiten dituzula sentitzen duzu, baina horrek ez dizu balio. Sendoagoak izan behar dugu eta baloiarekin protagonista izan behar dugun uneak eta atea gehiago babestu behar dugun uneak aukeratu behar ditugu. Atepea hutsean uztea garrantzitsua da; izan ere, aurrealdean gol aukerak sortuko ditugu beti".