"Irabaztea beti da zaila eta buru-belarri ari gara hori lortzeko"

"Bihar emaitza onak lortzen ari den, oso ondo jokatzen ari den eta energia positiboa duen aurkari baten aurka jokatuko dugu. Oraindik ez dute etxean galdu, eta aurkari zaila da, bere armak kontuan hartuta. Asko kostatzen da beti irabaztea eta horretan zentratuta gaude". Ernesto Valverdek Elche eta Athletic aurrez aurre jartzen dituen neurketaren aurreko agerraldian talde zuri-berdearen arriskuaz ohartarazi du. Lehoiek bertsio bikaina eman beharko dute jokatzeko era oso argi duen talde batekin lehiatu ahal izateko: "Jokatzeko modu bereizgarria du, baloi-jabetza handia eta atzetik ateratzean arriskatzen du. Besteengandik ezberdin egiten duen zerbait da. Dena kontuan izan behar dugu, erregistro desberdinak oso ondo maneiatzen baitituzte".

Athleticek txapelketa ofizialari ekingo dio berriro, nazioarteko geldialdiaren ondoren. Partiden etenaldi hau oso ona izan da, batez ere, erasoko eremuan jokalariak berreskuratzeko: "Entrenatzaile guztiok jokalari guztiak prest izan nahi ditugu. Jokalari garrantzitsuak falta zaizkigu eta zorte txarra da baja gehienak eraso gunean elkartu direla. Zorionez, batzuk sendatu dira eta ziur asko lagunduko digutela".