Latorre hil da, Athletic Cluben 2.000. golaren egilea

Athletic Club doluan dago Jose Antonio Latorre futbolari ohiaren heriotzagatik, 1963an Valladoliden jokatutako partida batean klubaren 2.000. gola sartu zuelako. Bilbotarra 83 urterekin hil da Gasteizen eta lehoiek besoko beltza jantziko dute larunbat honetan Realaren aurka Anoetan jokatuko duten derbian.

Latorrek lehoi gisa egin zuen debuta Juan Antonio Ipiñaren aginduetara, 1961eko otsailean Real Betisi 1-3 irabazita. Bost denboraldi eman zituen lehen taldean. Aurrelariak 52 neurketa jokatu zituen Liga eta Koparen artean, eta 10 gol sartu zituen. Horietako batek, hain zuzen ere, estreinatu eta hurrengo urtean San Mamesen Athleticek talde sevillarra mendean hartzeko balio izan zuen. Baina sartu zuen azkena izan zen, hain zuzen ere, 88. minutuan berdinketa ezartzeko Zorrilla pasealekuan lortu zuena, historian tarte bat ireki ziona.

Bilbotarrak, gainera, denboraldi bat jokatu zuen SD Indautxun eta bere ibilbidea CE Sabadell FCn amaitu zuen. Athletic Clubek bere familia eta lagun guztiei doluminak helarazi nahi dizkie une triste hauetan.