FC Barcelonak ezingo dizkio sarrerak bidali Athletici

FC Barcelonak eta Athletic Clubek datorren larunbatean Spotify Camp Nou futbol zelai berrian jokatuko duten partidan ez dira zale zuri-gorrientzat gorde ohi diren sarrerarik izango.

Hona hemen Kataluniako klubak orain dela minutu batzuk emandako arrazoiak:

1B lizentziarekin ezin dira bermatu araudiak talde bisitariaren zaletuak hartzeko eskatzen dituen bereizketa, kontrola eta gutxieneko babes-baldintzak. Hori dela eta, ezin da sarbide sektorizatu eta seguru bat gaitu dagoeneko martxan dauden eta datozen asteetan prest egongo diren hobekuntza batzuei ekin gabe.

Zehazki:

• Sarbide ez independenteak: sarrerako eta irteerako puntuek ez dute aukerarik ematen bisitarientzako zirkuitu esklusiboak ezartzeko, eta horrek eragotzi egingo luke etxeko publikoarekin fluxuak gurutzatzea.
• Sektorizazio fisiko eskasa: harmailak ez du egiturazko elementu egokirik bisitarien sektorea modu seguruan isolatu eta mugatzeko.