"Hemendik aurrera partida guztiak behin betikoak dira"

"Biharko partida oso zaila da. Elche talde deserosoa da, zelan jokatzen duten kontuan hartuta: defentsa-lerroan maila ona erakusten dute eta aurrean ondo erasotzen dute", ohartarazi du Ernesto Valverdek Eder Sarabiaren taldearen aurkako partidaren atarikoan, San Mamesen.

Entrenatzaile zuri-gorriak partidaren garrantzia ere azpimarratu du, lehoiek LaLigan jarraian lortzen duten hirugarren garaipena izango litzatekeelako: "Guretzat eta eurentzat oso partida garrantzitsua da, premiarekin datozelako. Talde guztiek dute behar hori, berdintasun handia dagoelako: partida bat irabazterakoan pauso bat aurrera ematen duzu, ordea, bat galdu eta pauso bat atzera ematen duzu".

Sailkapenari buruz galdetuta, Valverdek argi dauka: "Aukera bat daukagu bihar, ez dugu haratago begiratzen. Geure buruari erreparatzen diogu. Hemendik aurrera partida guztiak behin betikoak izango dira. Hori da aurre egiteko modua".