"Hustu egin gara, ziurrenik gehiago merezi izan dugu"

"Hustu egin gara. Emaitzak izorratu gaitu, baina partida ona izan da. Ziurrenik gehiago merezi izan dugu. Oso garrantzitsua zen aurreko eguneko kanporatzearen aurrean erreakzio bat erakustea. Bertsio lehiakorra ematea. Onena da jokoa ona izan dela eta beti egon garela partidan. Partidari aurre egiteko erabili dugun erabakitasuna gustatu zait. Jarraitu egin behar dugu". Ernesto Valverdek Athleticek San Mamesen erakutsitako maila goraipatu du, nahiz eta Bartzelonaren aurka porrota jaso. Lamine Yamalen sekulako gol batek erabaki zuen emaitza: "Aurkariak ez dizu barkatzen, asmatu egin behar duzu eta talde hauen aurka gehiago. Atzeko irmotasuna hobetzen ari gara. Arerioak kalterik egiten ez digula sentitzea. Gutxi sortu digute, baina ate aurrean ondo egotea gehitu behar da".

LaLigako hamaika jardunaldi falta dira. Europaren aldeko borrokan egoteko txapelketa-tarte garrantzitsua. Lehoiak, edozertarako prest: "Ikusiko dugu nola doakigun. Alde guztietara begira gaude, puntuak batu egin dugu aurrera begiratzeko. Neurketa garrantzitsua dugu Gironan, aste garbiarekin eta ea jokalariak berreskuratu ditzakegun. Asko dago jokoan eta puntu asko daude lehiatzeke oraindik".