Berenguer

2020/21 denboraldia hasita erasoko posizioak indartzera iritsi zen. Nafarrak bere prestaziorik onenak eskaini zituen ezker muturrean Torino FC taldean, nahiz eta paseak egiteko duen erraztasunagatik, punta erdian, eskuin hegalean eta bigarren aurrelari gisa ere joka dezakeen.
 
Bere bertuterik onenetako bat atzelariak gainditzeko gaitasuna da, banan-banako jokaldietan erregateak egiteko, eta, horri esker, atera jaurtitzeko angelu egokiak lortzen ditu. Bere lehen denboraldian, taldeko golegile nagusia izan zen, Liga eta Kopa artean bederatzi gol egin baitzituen. Aurkariarengan desoreka gehien sortzen duen taldeko jokalarietako bat da. 2024ko Kopa irabazteko penalti erabakigarria sartu zuen eta kontratua luzatu berri du 2027ra arte.