Ander Herrera

Herrerak hiru denboraldi eman zituen Athletic Cluben, 128 partida jokatu eta 11 gol sartuta. Europa Leagueko eta Kopako txapeldunorde izan zen 2011/12 denboraldian, eta Txapeldunen Ligarako sailkatuta utzi zuen taldea. Athleticek XXI. mendean txapelketa horretan sailkatzea lortu duen aldi bakarra da, 2013/14 denboraldian, Ernesto Valverderen eskutik. Hamar urte geroago berriz elkartu dira.

Baloiarekin duen irudimenak, teknikak eta zentzu taktikoak Manchester Uniteden arrakasta izatera eraman zuten. 189 partida jokatu zituen, golen eta asistentzien artean berrogeita hamar bat jokaldietan parte hartuz. Herrerak lau titulu irabazi zituen: FA Cup eta Community Shield (2016an), eta Europa League eta Ligako Kopa 2017an, bere zaleek denboraldiko jokalaririk onena izendatu zuten urte hartan.

Ondoren, 2019an, Paris Saint-Germain taldera joan zen eta bertan 95 partida jokatu zituen. Bi aldiz irabazi du Ligue 1 (2020 eta 2022), beste bitan Kopa (2020 eta 2021), Ligako Kopa bat (2020) eta bi Superkopa (2019/20 eta 2020/21.). Gainera, Txapeldunen Ligako txapeldunorde izan zen 2020an, finala Bayernen aurka galdu ondoren.